Psalms 53:1-6

Vir die •musiekleier. Op Magalat . 'n Maskiel . Van Dawid. Dwase sê in hulle hart: Daar is geen God nie. Hulle tree gruwelik en afstootlik op. Daar is nie een wat goed doen nie. God kyk vanuit die hemel na die mense om te sien of daar iemand is wat verstandig is, iemand wat God soek. Almal het afgedwaal, saam het hulle ontaard; daar is nie een wat goed doen nie, selfs nie een nie. Is almal wat onreg pleeg dan sonder insig, hulle wat my volk eet soos 'n mens brood eet? Hulle roep God nie aan nie. Dan oorval skrik hulle as daar niks te vrese is nie. Want God het die beendere van hulle wat jou beleër het, verstrooi. Jy laat hulle beskaamd staan, want God het hulle verwerp.