Rigters 5:1-5, 18-22, 31

Op daardie dag het Debora en Barak, seun van Abinoam, gesing: “Wanneer hare onversorg is in Israel, wanneer manskappe vrywillig aanmeld – prys die HERE! Luister, konings; gee aandag, regeerders! Ek, vir die HERE wil ek sing; ek wil die HERE, die God van Israel besing. HERE, toe U uitgetrek het uit Seïr, toe U vooruit gestap het uit die gebied van Edom, het die aarde gebewe; selfs die hemel het gegiet, ja, die wolke het water gegiet. Berge het gevloei voor die HERE, die Een van Sinai, voor die HERE, die God van Israel.

Sebulon is manskappe wat die dood uittart, ook Naftali, op die heuwels in die veld. “Konings het gekom, hulle het geveg; toe het die konings van Kanaän geveg by Taänag, langs die water van Megiddo; maar nie 'n enkele stuk silwer kon hulle buit nie. Uit die hemelruim het die sterre geveg; uit hulle wentelbane het hulle teen Sisera geveg. Die Kisonspruit het hulle weggespoel, die oeroue spruit, die Kisonspruit! “Ek wil voortgaan met krag: Daarna het die perdepote gedreun van die jaagtog, die jaagtog van sy hingste!

“So moet al u vyande omkom, HERE! Maar hulle wat Hom liefhet, is soos die son wat opkom in sy krag! ” Daarna het die land veertig jaar lank rus gehad.

Gratis leesplanne en oordenkings oor Rigters 5:1-5, 18-22, 31