ሃዋ̈ ጌላ
ጌላ
ሃዋ̈ራታን ኦ̈ሳ ማጻ̈ፊን ጋርቶ ታ̈ሪኪንዳ ሉቃ̈ሳ ዎጛሊን ኤቂ̇ኖምፖ ዓኒ ዎ ታ̈ሪካን ኤ̈ኔ። ዓና̇ ማጻ̈ፊንዳ ቲ̈ኖ ዬሱ̈ሳ ታማ̈ራን ጌ̈ሻ ኣያ̇ና ኢንታ ቲ̈ኒን ዎጛላ ቃ̈ሊን ዬሩሳ̈ላም ካታማ ጋርታ፣ ዪሁዳ ጋዳ̇ ዎይኬ ማ ሳማ̈ራ ጋዳ̇ፖ ኤ̈ር ሳዝ ቡጊድ ዬላ̇ር (1፡8) ዎጛሊን ዎዛርታር ዬልኖኮ ሶ̈ላ̈ሬ። ማጻ̈ፊንዳ ክርስታ̈ና ኣማ̇ና ጋ̈ዚንዳ ኣይሁዳን ጊዳ̇ ዣማ̇ሪንታ̇ራ ኣላሚን ጋልዳ ዱማ ዱማ ዎይሊን ዎርዣን ኣማ̇ና ማ̈ቂዝ ዲራስ ዎዛርታ̇ር ዎይሊኖኮ ሶ̈ሊዝ ታ̈ሪካ ኤ̈̇ኔ። ኣማ̇ኒዝ ኣሳን ሮ̈ማ ካ̈ታ ካ̈ቲቲን ይሳ̇ንዳቦ ጋርሳባር ኢ̈ታባዝ ኦ̈ሙታ ዎ ኣስ ማ̈ቃካ̇ዮንዲኬ ክርስታ̈ና ጋ̈ዝ ኣማ̇ኒንዳ ኣይሁዳን ኤ̈̇ኖ ኣማ̇ና ጎይን ፎቲ ማሂዝ ኣማ̇ና ጎይ ማ̈ቂ̇ኖን ኤርሳንዳ̇ቦ ማጻ̈ፊን ጻ̈ፊኖ ና̈ሳ̈ዲ ዎይሊን ዋ̈ዪኔ።
ሃዋ̈ራታን ኦ̈ሳ ማጻ̈ፊን ዬሱ̈ሳባዝ ሶ̈ላዝ ዎጛሊን ሻካ̇ሙታ̇ ሉኪ̇ኖንዲኬ ዎ̈ሳ ኬ̈ን ዱማ ዱማ ቤስ̇ ኤቂ̇ኖን ቤይሲዝ ታ̈ሪካ ኤ̈ኖ ጴች ዓይዚ̇ ኪፊላን ኤ̈ኔ። ኢንታሬ፤
1. ክርስታ̈ና ኣማ̇ኒንዳ ዬሱ̈ሲ ፉዳ ኣፋ ሉኪ̇ኖፖ ዓኒ ዬሩሳ̈ላማ ካታማ ጋርታ ዣማ̇ሪንቲ̇ኖንዶ
2. ዬሩሳ̈ላማፖ ዲንዳራ ኢስሬ̈ላ ጋዳ̇ ዎይ ቤስ̇ ዬሊ̇ኖንዶ
3. ሮማ ጋዲን ጉጃ̇ር ሜዲቲራ̈ና ባሃ̈ሪን ቡጊዲንባር ዎ ጋዳን ጋርታ ዎይ ዳልጊኖንዶ።
ሃዋ̈ራታን ኦ̈ሳ ማጻ̈ፊን ጋርታ ኮሺንቻ̇ር ቤንታ̇ዚንዳ ጌ̈ሻ ኣያ̇ና ኦ̈ሳዳ፤ ጴንጤቆ̈ስጣ ባ̈ላ ቃሚ̇ን ጋላስ ዬሩሳ̈ላማ ዎ ኣማ̇ኒኖ ኣሳን ጋልዳ ጌ̈ሻ ኣያ̇ና̈ዲ ጴች ዎልቃባር ሶ̈ቢኖንዶ ማ ጌ̈ሻ ኣያ̇ና ዎ̈ሳ ኬንዲኬ ኢዞ ቲ̈ኒዝ ኣሳን ቲ̈ኒኖንዲኬ ሚ̈ንኖን ጉጃ̇ር ሶ̈ሊ̈ሬ።
ማጻ̈ፊን ጋርታ ዎ ቆፋን
ዎጛላ ማርኪታንዳቦ ጊ̈ጊንቲ 1፡1-26
ሃዋ̈ራታን ዬሩሳ̈ላም ካታማ ጋርታ ዬሱ̈ሳባዝ ማርኪቲዴ 2፡1-8፡3
ዪሁዳኬ ሳማ̈ራ ጋዳ̇ ዬሱ̈ሳባዝ ማርኪቲዴ 8፡4-12፡25
ሃዋ̈ራ ጳውሎ̈ሳ ኦ̈ሳ 13፡1-28፡31
ሃዋ̈ራ ጳውሎ̈ሲ ዱማ ዱማ ጋዳን ጋርታ ቢሪንቲ̇ኖን ፔቲንዶ 13፡1-14
ዬሩሳ̈ላም ጋርታ ሺ̈ቂኖ ሺ̈ቃ 15፡1-35
ሃዋ̈ራ ጳውሎ̈ሲ ዱማ ዱማ ጋዳን ጋርታ ቢሪንቲ̇ኖን ናምኢንዶ 15፡36-18፡22
ሃዋ̈ራ ጳውሎ̈ሲ ዱማ ዱማ ጋዳን ጋርታ ቢሪንቲ̇ኖን ዓይዚንዶ 18፡23-21፡16
ጳውሎ̈ሲ ዬሩሳ̈ላም ካታማ ጋርታ ቂሳ̈ራኬ ሮ̈ም ካታሚን ጋርታ ቃቺንቲ̇ኖንዶ 2፡17-28፡31
Tans Gekies:
ሃዋ̈ ጌላ: ኦጫ̈ቃማ
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan