Milimo 3
3
1Petro na Yohana valinaga kwisengelo hʼitungo lya kulomba saa kenda. 2Na munhu, walemalile kufuma mu nda yamwa nina, wavukivagwa henaho; mwenuyu vamwikazaje nsiku zyose ha muzigo gwʼisengelo, hogwene gulitanwa Musoga, kigele alombe fipanwa ku venavo valingila mwisengelo. 3Aho wavavonaga Petro na Yohana valikova kwingila mwisengelo, wavalombaga apiwe kipanwa. 4Haho Petro wamwikomaja hamohene na Yohana, 5na wayombaga, Utulole iswe! Nawe wavalolaga; kwisi walindilaga kupiwa kinhu navo. 6Petro wayombaga, Fedha na dhahabu ndi gele; alisi genaya ndi nago ndikupa. Mu lina lyamwa Yesu Kristo wa Nazareti uvuke na usimize. 7Haho wamudimaga kukono kwa mulila na wamuvukaja; itungo lili magulu gakwe na tugongwi twakwe twalambaga. 8Wadumukaga na wimaga na wasimizaga; na wingilaga navo mwisengelo, wasimizaga na wadumukaga na wamugongolaga Mulungu. 9Vanhu vose vamuvonaga alisimiza na alimugongola Mulungu. 10Navo vamumanikaja kitisi mwenuyu wikalage ha muzigo Musoga gwʼisengelo, alilomba fipanwa; na vakumaja muno na vitilulaga kunguno ya genaya gamukwililaga.
11Aho wadimanaga na Petro na Yohana, vanhu vose vivilingaga myega ha vukumbo vulitanwa wamwa 12Salomo, na vitilulaga muno. Aho Petro wagavonaga genaya wavawilaga vanhu, Vagosya vʼIsraeli, kuki mulikumya kunguno ya genaya, ninga kuki mulitwikomya, kitisi iswe twamuvezaja uyu ayumbe ku nguzu 13ziswe ninga ku vusondo wiswe? Mulungu wamwa Abrahamu na Isaka na Yakobo, na Mulungu wa vahenga, wamukumukaja mukumba wakwe Yesu, homwene inwe mwamufumaja, na mwamwikanaga hambele na Pilato, aho mwenuyo waliwayangula atungulwe. 14Alisi inwe mwamwikanaga uyu Musondo na 15Mugololoku, na mwalombaga mupiwe muvulagi; sumbwa Mutwale wa vuzuvuku mwamuvulagaga, mwenuyu Mulungu wamuhembukaja ku lufu, niswe tuli vasangilwaho. 16Kunguno ya kulisanizya lina lyakwe, lina lyakwe lyamujamilizaja uyu nguzu, homwene mulimuvona na mulimumanicha, nʼisanizyo, holyene lyavezivilwe na Yesu, lyamupaga uyu vupanga wakwe hambele na minso ginwe. 17Lelo vadugu, ndimanicha ati mwitaga genaya vuduhu kumanicha kitisi vahanya vinwe. 18Alisi syenisyo Mulungu wagasikilizaja genaya, hogene wagatanizaja kale na milomo ya vafumbuzi vose, kitisi Kristo wakwe aladukiwe. 19Kunguno yeniyi mupiluke myoyo na munogolekage, kigele mavukenaguzi ginwe gazimangukiwe, na matungo ga kuhulikiwa gize 20kufuma ku vusyu wamwa Guku; na amutumizye 21Kristo Yesu, homwene mwakindikililwe. Homwene yilimudima anukulwe mwilunde kusika matungo ga kugavezya gose vupya kunguno yago Mulungu wayombile kale ku milomo ya vafumbuzi vakwe vasondo. 22Mose wayombaga, Guku Mulungu winwe akumukindikila inwe mufumbuzi kufuma mu vadugu vinwe kitisi nene; mwenuyo yilimudima inwe kumudegeleka mugati 23na gose akumuwila; na yikukwila ati kila munhu homwene akavile kumudegeleka mufumbuzi mwenuyo, akuzimangukiwa mugati na vanhu. 24Hangi, vafumbuzi vose kufuma Samweli na venavo vamulondaga, vose hovene vayombaga, vatanizaja mhola ya nsiku zyenizi. 25Inwe muli vana va vafumbuzi na vana vʼilagano ilo, holyene Mulungu wavalaganaja vahenga, aho wamuwilaga Abrahamu,
Mugati na vuvyalwa wako magongo gose ga kuwelelo gakudosiwa.
26Hambele na mbele Mulungu wamukindikilaga inwe mukumba wakwe, na wamutumizaja kuvadosya inwe, ulu kila umo mugati ninwe aliwisunda kufuma wigomu wakwe.
Tans Gekies:
Milimo 3: Nym51
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Nyamwezi New Testament © Bible Society of Tanzania, 1951.
