यूहन्ना जानकारी
जानकारी
लिखणु आल़ा : यूहन्ना
पौढ़णु आल़ै : दुनिया रै सैभ लोक
रौहणु आल़ा : गलीली
सन. 85-90
यूहन्नै यीशु परमेश्वरै रै हमेशा रै वचना रै रूपा न प्रगट केरू, ज़ुणियै “रूप धारण केरिया आसरै बिच़ा न डेरा केरु। “ऐसा कताबा न ऐ स्पष्ट लिखूदा सा, कि ऐ खुशी रा समाद ऐथा री तैंईंयैं लिखू सा कि ऐथा बै पौड़णु आल़ै बशाह केरलै कि यीशु ही वायदा केरु हुन्दा मुक्तिदाता मतलब परमेशवरा बेटा सा, होर ते यीशु पैंधै बशाह केरनै रै ज़रियै ज़िन्दगी पाई सकलै। 20:31
जानकारी न यीशु बै परमेश्वरै रै वचना रै रुपा न प्रगट केरु सा। तेथा न बाद खुशी रै समादा रै पैहलै भागा न सौत च़मत्कार होर नशाणी रै बारै न लिखू सा तेथा न ऐ प्रगट होआ सा कि यीशु वायदै रा उद्धारकर्ता होर मुक्तिदाता सा। दुज़ा भाग उपदेश वचना रा सा तेथा न ऐ भी दसुदा सा कि कैण्ढी तैरहा किछ़ लोकै यीशु पैंधै बशाह केरु होर तिन्हरै च़ेले बणै, ज़ैबैकि होरी लौके तिन्हरा बरोध केरू। 13-17 अध्याय न यीशु बै ढौकणै धियाणै री राती, यीशु बै तिन्हरै च़ेले सैंघै प्यार-भाव होर क्रूसा पैंधै च़ढ़ाणै न पैहली राती, च़ेले बै त्यार केरनै होर तिन्हां बै उत्साहित केरनु आल़ै यीशु रै वचन पूरी तैरहा लिखेंदे सी। आखरी रै अध्याय न यीशु रै ढौकणै होर मुकदमै, तेइरै क्रूसा पैंधै च़ढ़ाणै, होर पौथणै होर ज़िन्दै होंणै, होर बादा न च़ेले सैंघै प्रगट होंणै रै बारै न।
यूहन्ना मसीह रै ज़रियै हमेशा री ज़िन्दगी रै दाना पैंधै ज़ोर देआ सा। ऐ एक ऐण्ढा दान सा ज़ो ऐबै शुरु होआ सा होर तिन्हां बै मिला सा, ज़ो यीशु बै बौत, सच़ाई होर ज़िन्दगी रै रूपा न ग्रहण केरा सी। आत्मिक गैला बै दसणै री तैंईंयैं होर आपणी रोज़ा री ज़िन्दगी न साधारण चीज़ा री नशाणी रै रुपा न इस्तेमाल केरलै।
यूहन्ना री एक खास विशेषता सा, ज़ैण्ढै कि पाणी, रोटी, प्याशा, फुआल होर तेइरी भेड़ा, अँगूरै री लूड़ी होर तेइरै फ़ौल़।
रूप-रेखा
जानकारी 1:1-8
यूहन्ना बपतिस्मा देणु आल़ा होर यीशु रै पैहलै च़ेले 1:19-51
यीशु री जनसेवा 2:1; 12:50
यरूश्लेम शैहरा न आखरी किछ़ रोज़ 13:19-42
यीशु रा ज़िन्दा होंणा होर तिन्हरा हेरिणा 20:1-31
उपसंहार : गलीला न दुज़ी बार बी यीशु रा हेरिणा 21:1-25
Tans Gekies:
यूहन्ना जानकारी: KFX-NT
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
This work is licensed under Creative Commons Attribution-ShareAlike 4.0 License.