PĚNDARIADI 16
16
I Hagar dẹ̌duang Ismael
1I Sarai, kawingʼi Abram, tawẹ anạ e nạung. Kaiso i sie kai piạ ěllange sěngkatau wọu Misirẹ̌, sěngkatau mahuala isẹ̌sẹ̌bạ si Hagar. 2I Sarai nẹ̌bera si Abram, ”Mawu e kawe tawe napěhanạ u iạ. Ual᷊ingu ene mapiawe i kau pẹ̌tikị dingangu ěllangku ini. Kiwuạ u i sie reng mapěhěnding u anạ baugu iạ.” I Abram e mal᷊uasẹ̌ su kapulun Sarai. 3Kerene i Sarai napakawalan Hagar napakakoạ kapapuěng i Abram kawinge. Su tempo ene i Abram seng mapul᷊o su taunge su Kanaan. 4I Abram nẹ̌tikị dingangʼi Hagar, tangu wawine ene e piạete kal᷊uwaenge. Kaiso su tempong i Hagar nasingkạ e u i sie kai piạ kal᷊uwaenge tangu kai naobote i sie kụ seng tawe měndarekeng i Sarai.
5Mase i Sarai e nẹ̌berạe si Abram, ”Iạ e seng nangonggọu ěllangku i Hagar si kau, kụ nanětạ e rokeng i sie nasingkạ u i sie kai piạ kal᷊uwaenge, tangú i sie kai seng ta měndarekeng u iạ. Ene kai sal᷊anu.#16:5: Ene kai sal᷊anu arau Manga i kau e masunsara, ual᷊ingu mẹ̌kẹ̌koạ pẹ̌sasal᷊a ini e si siạ. Karimạko Mawu e mamutusu pěrkara ini sutal᷊oarang kaduạ e.”
6Angkuěng i Abram, ”Kereneẹ, i sie kai ěllangu, kụ i kau e kawasa wue si sie; pẹ̌koạ e kapulunu e si sie.” Bọu ene tangu i Sarai měngkatewe matingkaị miěbạ si Hagar, hakịeweng i sie timal᷊angu watangenge.
7Malạekatu Mawu e nakaěbạ e si Hagar masandigu simbul᷊u akẹ su wanua tạ taune arenge Sur. 8Angkuěng u malaekatẹ̌ ene u, ”I Hagar ěllang i Sarai, i kau e kai wọu apa ringangu makoạ sol᷊ong apa?”
Sasimbang i Hagar, ”Iạ e timal᷊ang bọu anun Sarai i wawụku.”
9Malaekatẹ̌ ene něhengetang, ”Pẹ̌sul᷊ẹ e su anune kụ tangkianẹ e i sie.” 10Bọu ene angkuěngu malaekatẹ̌ ene kapia, ”Iạ e sarung mangonggọu pal᷊ahěnto makěpal᷊ẹ̌ si kau hakịu tawe ikatiạ kal᷊awọe i sire. 11Seng tawẹ kararěngụe i kau piạ kal᷊uwaengu kụ mamantelu rariọ esẹ, kụ i sie hědon sěbạu si Ismael,#16:11: Ismael: Areng ini su werang Ibrani mangal᷊ene: ”Duata e rimaringihẹ̌”. ual᷊ingu Mawu e rimaringihẹ̌ laoghọ u. 12Arawe anạu e sarung mẹ̌biahẹ̌ kere kalide rul᷊u, i sie sarung dumokạ si sai-sai, kụ balạewe měnsang i sai sarung dumokạ si sie. I sie sarung mẹ̌biahẹ̌ marau wọu manga anạ u sěngkataune.”
13I Hagar makịbal᷊o su ral᷊ungu naunge, ”Kahěngang bue ngae iạ seng nakasilo Mawu Ruata kụ kakělla si siạ e?” Tangu i sie nẹ̌sěbạ Mawu, kụ seng nẹ̌bera si sie, ”Duata Kụ Mẹ̌kẹ̌kakělla si Siạ”. 14Kai ual᷊ingu ene hakịu taumata e nẹ̌sěbạu pahighi su wěllạu Kades dingangu Bered ene e, ”Pahighin Sie Kụ Měbẹ̌biahẹ̌ Kụ Kakělla Siạ e”.
15 #
Gal. 4:22
Mase i Hagar e něhěndingken dariọ esẹ, kụ i Abram i amange nẹ̌sẹ̌bạu rariọ ene si Ismael. 16Su tempo ene i Abram natimụe ual᷊um pul᷊o ěnnung su taunge umbure.
Tans Gekies:
PĚNDARIADI 16: SXN
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
