Mt 3
3
Kurera ka Yohana Mubabatisi
(Mrk 1:1-8; Lk 3:1-18; Yhn 1:19-28)
1Ankameni wolowo, kahumeleli Yohana Mubabatisi ahuleni dra Yudeya afaka arera aku: 2Ndrulukani, hikusa a Mfumu wa Matilo wukusuhi! 3Yohana avi lweyi Xikwembu Nkulukumba angamuhlaya hikola ka muprofeta Ezaya loko ati: Ritu dra lweyi a bandlukana ahuleni driku: Bekisani gudju dra HOSI; n'wihamba tindlela takwe tilulama#3:3 Hlayela dra Ezy 40:3 hi kulandra a hlayela dra khale dra Xigirika. A ritu dra ku gudju drihlaya leswaku: ndlela ya kululama.
4A swiyambalo swa Yohana afa swihambiwi hi voya bya kamela, ni bandi dra nhlonge alikhalwini; a swakuda swake afa yili humbi#3:4 Swiharinyana swa nhova, switxhukaka swihumelela, swida swiva swihlasela a swibewu swa masimu. ni vulombe bya nhova. 5Kutani va-le-Yerusalema ni va-le-Yudeya hinkwavu ni va tiko hinkwadru ledri dringa kusuhi na Yordana afa vahuma vayamuyingela. 6Afa vababatisiwa ha yene anambyeni wa Yordana, na vatihlaya swidoho swavu.
7Loko Yohana avoni vafarisi ni vasaduki lava vanyingi vata ku yene akuva avababatisa aku ku vone: Lixaka dra swipswhahla! Hi mani lweyi an'wibyeliki leswaku n'winga huluka ku xikhatiso xa kutxhavisa lexi xinga kusuhi? 8Humexani mihandru leyi mikombisaka kundruluka kwenu, 9na kone n'wingatxhuki n'witipimisela n'wiku: Hine hi vana va Abrahamu, hikusa nan'wibyela leswaku, Xikwembu Nkulukumba, hi maribye lawa angaswikota a kupfuxela Abrahamu a vana. 10A kawula ni swoswi drilulamisiwile kutrema a minsinya hi le mitrwini. A minsinya hinkwayu leyi mingabekiki mihandru leminene yatremiwa mitxukumetiwa andrilweni. 11Mine nin'wibabatisa hi mati, leswaku n'windruluka; kambe lweyi ataka ntrhaku kwanga, awanitlula hi ntamu, mine ningafanelikiki kurwala tintangu takwe; hi Yene lweyi atakan'wibabatisa hi Moya wa Kuxwenga ni hi ndrilo. 12Ani lihlelo amavokweni, atahehera a mavele amatravukanisa ni mavivi. Atabekisa a mavele anguleni, kutani ahisa a mavivi andrilweni lowu wungatimekikiki.
Kubabatisiwa ka Yesu
(Mrk 1:9-11; Lk 3:21-22)
13Kolahu Yesu asuki Galileya aya nambyeni wa Yordana, lomu afaka ku na Yohana, akuva atababatisiwa ha yene. 14Kambe Yohana ayala aku: Hi mine nifanekelaka kubabatisiwa ha wene, kasi wene uta ku mine? 15Yesu ayangula aku: Swipfumeli swoswi, hikuva swifanekeli swoswo ku hine, hihetisa kululama hinkwaswu. Kutani Yohana apfumela.
16Kaku loko Yesu ababatisiwile, ahuma amatini. Hi nomu-lo, a matilo mapfuleka, avona a Moya wa Xikwembu Nkulukumba wuxikela ahenhla kwake swanga i tuva. 17#Fanisa ni Mps 2:7; Ezy 42:1. Kutani kutwala ritu dripfaka hi le Tilweni driku: Lweyi i N'wananga lweyi nimurandraka, lweyi nitrhavisiwaka ha yene.
Tans Gekies:
Mt 3: NTX2007
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Xironga New Testament with Psalms © Bible Society in Mozambique, 2007.
