Mt 21
21
Yesu anhingena hi vunhenha a Yerusalema
(Mrk 11:1-11; Lk 19:28-40; Yhn 12:12-19)
1 # Lavisa a kutivisa ka Mrk 11:1. Kuti loko vatrhindrekela a Yerusalema, vatlhasa Betfage, anhaveni ya Minhlwari, Yesu aruma a vadondrisiwa vabiri 2aku ku vone: Fambani n'wiya mutini lowu n'wikongomaniki na wone. N'witakuma kone a mbongolo ya mpswele, yikulekiwi kun'we ni ximbongolwana, tikululani n'wititisa ku mine. 3Kutaku loko mhunu ahlaya xa ntxhumu, yangulani leswaku a HOSI yatidjula, kutani yitahatla yitirumela.
4Leswo swihumeleli akuva kuhetiseka leswi swingahlayiwa hi muprofeta, lweyi angaku:
5 # Lavisa Zk 9:9. Byelani nhwanyana wa Siyoni:
Lavisa a Mufumi waku awata ku wene!
Hikutitrongahata, na akhandriyi mbongolo
leyi yingani ximbongolwana, n'wana wa leyi yirwalaka a mpinga.
6A vadondrisiwa vafamba vayayentxisa xileswi Yesu afaka avaleletisi xiswone. 7Vatisa a mbongolo ni ximbongolwana xa yone, vayandlalela makapulana yavu a henhla ka tone, kutani Yesu akhandriya. 8Kutani lava vanyingi ku xitrhungu afa vayandlala makapulana yavu andleleni, van'wana kambe afa vatrema tinkambu ta minsinya vatiyandlala ndleleni. 9Ku switrhungu: lava afaka vafamba mahlweni ni lava afaka vamulandra, afa vabandlukana vaku:
Hozana#21:9 Hozana: Ritu ledri dripfaka hi ku Xiheberu, dritlhamuxelaka leswaku: Huluxa! Drindruluki kubandlukana ka kudrumisa Mps (Sl) 118:25., N'wana Davida!
Akukhensiwe lweyi ataka hi vito dra HOSI!
Hozana a henhla-henhla Matilweni.
10Loko Yesu anhingena Yerusalema, a muti hinkwawu wuyima-yimeka, na hinkwavu vavutisana vaku: Xana lweyi, i mani? 11A switrhungu afa swiku: Lweyi i muprofeta Yesu, wa le Nazarete wa Galileya.
Yesu abasisa Tempele
(Mrk 11:15-19; Lk 19:45-48; Yhn 2:13-22)
12Yesu anhingeniki a Tempeleni, ahlongola handle hinkwavu lava afaka vaxavisa ni vaxavi. Abakanyisa matafula ya vatxintxisi va timali ni switrhamu swa vaxavisi va matuva; 13#Fanisa na Ezy 56:7; Yr 7:11. aku ku vone: Kutraliwi leswaku: A yindlu yanga yitahlayiwa yindlu ya vukhongoti, kambe n'wine n'wiyiyentxa yiva mhakwa ya vayivi.
14A vakufa-mahlu ni vakukhuta vatrhindrekela ku Yene a Tempeleni, avahanyisa. 15Ke loko a vaprista lava vakulu ni vatrali vavona mahlolana lawa amayentxiki, ni loko vayingela a vatrongwana lava afaka vabandlukana Tempeleni, vaku: Hozana, N'wana Davida, vahlundruka, 16vaku ku Yene: Xana waswiyingela leswi vaswihlayaka, lava? Yesu aku ku vone: Im'na! Xana an'wingihlaya a tralwa ledri driliki: Anon'wini wa vatrongwana, ni wa lava vayan'waka utibekiseli lidrumu#21:16 Hlayela dra Mps (Sl) 8:3 ku matolokela ya Xigirika xa Septuaginta. Ku matolokela man'wana, lavisa Mps (Sl) 8:2.?
17Kutani avatrika, asuka mutini, aya Betaniya ayayetlela kone.
A nkuwa wa kukala mihandru
(Mrk 11:12-14,20-24)
18Amixweni ngopfu, loko atlhelela mutini, atwi ndlala. 19Avona a nkuwa kusuhi ni ndlela, atrhindrekela ku wone, kambe angakumanga ntxhumu ku wone, loko mange makamba ntsena. Kutani aku: Ni kan'we ungahabeki mihandru! A nkuwa wuwoma xikan'we. 20Loko vavoni leswo, a vadondrisiwa vahlamala ngopfu vaku: Swiyentxisi kuyini akuva a nkuwa wuwoma hi kukahlula? 21Yesu ayangula aku ku vone: Nihlayelamfuri nili ku n'wine, loko n'wini kupfumela na n'wingaganaganeki, n'wingaka n'wingayentxi ntsena leswi swiyentxiwiki ankuweni lowu, kambe nambi n'wingaku ku nhava leyi: ‘Tisimule la utitxukumeta lwandle’, switayentxekisa xiswoswo. 22Ke, hinkwaswu leswi n'witakaswikombela hi kukhongota na n'wikholwa, n'witaswiyamukela.
Swivutiso mayelanu ni ntamu wa Yesu
(Mrk 11:27-33; Lk 20:1-8)
23Anhingeniki aTempeleni, a vaprista lava vakulu ni vakulu va tiko vatrhindrekela ku Yene na adondrisa, vamuvutisa vaku: I ntamu muni lowu uyentxaka leswi ha wone? Hi mani lweyi akunyikiki a ntamu wolowo? 24Yesu avayangula aku: Na mine nitan'wivutisa a ntxhumu wun'we; loko n'winiyangula, na mine nitan'wibyela a ntamu lowu nitiraka leswi ha wone. 25Xana a babatiso dra Yohana afa dripfa kwini? Atilweni kumbe a vhanwini? Kolahu vakhanelisana van'we ni van'wana vaku: Loko hihlaya leswaku atilweni, ataku: Hayini-ke n'wingapfumelanga ku yene? 26Loko hihlaya leswaku avhanwini, hitxhava xitrhungu, hikusa hinkwavu vapfumela leswaku Yohana i muprofeta. 27Hileswo-ke, vayangula Yesu vaku: Ahiswitivi. Kutani na Yene avayangula aku: Ke na mine ningan'wibyele a ntamu lowu niyentxaka leswi ha wone.
A xifaniso xa vana vabiri
28Xana n'wili yini hi leswi: A mhunu mun'we afa ani vana vabiri, aya ku lweyi wa kusungula aku: N'wananga, famba namuhla uyatira ansin'wini yanga ya vhinya. 29Kambe yene ayangula aku: Nayala! Ntrhaku atilaya, afamba. 30Aya ku lweyi wa vubiri, amubyelisa xiswoleswo; yene ayangula aku: Im'na, we hosi, nitaya. Kambe angayanga. 31Hi wini ku lava vabiri ayentxiki a kurandra ka tatana wakwe? Vamuyangula vaku: Hi lweyi wa kusungula. Kutani Yesu aku ku vone: Hikusa nihlayelamfuri nili ku n'wine: A vahlengisi ni vavasati va vumbuye vatan'wirangela kunhingena a Mfun'wini wa Xikwembu Nkulukumba. 32Hikusa Yohana ati ku n'wine hi ndlela ya vululami, kambe an'wipfumelanga ku yene. Kambe a vahlengisi ni vavasati va vumbuye vapfumelile. N'wine kambe nambi leswi n'wiswivoniki, an'windrulukanga akuva n'wipfumela ku yene.
Xifaniso xa vatiri lava vamfani
(Mrk 12:1-12; Lk 20:9-19)
33Yingelani xifaniso xin'wana: Afa kuni mhunu, wa n'winyi wa muti, afaka abyali livhinya; abiyela hi linhlampfu, akela ni khele dra kupfuvela mihandru, ava ayaka ni xihondro kone; abeka livhinya amandleni ya vadrimi, kutani ayendra. 34Loko kutlhasi a nkama wa kukhaya mihandru, aruma malandra yake ku vadrimi akuva vayateka a mihandru yake. 35A vadrimi vakhoma a malandra yake, vaba mun'we, vadlaya mumbeni, vakhandla mun'wana hi maribye. 36A n'winyi atlhela aruma malandra man'wana, manyingi kutlula ya kusungula; vamayentxisa xiswoswo na wone. 37A vugan'wini arumela a n'wanakwe, aku: vatavani xihluwa ku n'wananga! 38Kambe a vadrimi loko vamuvona vabyelana vaku: Lweyi hi yene mudi-wa-pfindla! Ahimudlayeni, a pfindla drakwe dritava dreru. 39Kutani vamukhoma, vamukokovisa vahuma na yene a handle ka livhinya, vamudlaya.
40Loko ke a n'winyi wa livhinya abuya atayentxa yini hi vadrimi lavo, xana? 41Vaku ku Yene: Atasuvisa a vabihi lavo, vakubi! Atanyika livhinya ku van'wana vadrimi, lava vatakamunyika a mihandru hi nkama wa yone.
42 # Lavisa Mps 118:22-23. Kutani Yesu aku ku vone: Xana an'wingihlaya a Matralwa lawa maliki: A ribye ledri a vayaki vadridreliki, hi drone dringayentxiwa ribye ledri dra kusungula dra hoka. Swayentxiwi hi HOSI, na kone hi leswi swihlamalisaka amahlweni yeru!
43Hileswo-ke nan'wibyela nili a Mfumu wa Xikwembu Nkulukumba wutasusiwa ku n'wine, wutanyikiwa a tiko ledri dritakabeka a mihandru leyi mifanelaka wone. [ 44Lweyi atakawela a henhla ka ribye ledro atapswhandlaka, lweyi dritakamuwela atandruluka ntrhuri.#21:44 A ndrimana leyi ayikone ku matralwa manyingi ya khale.]
45Loko vaprista lava vakulu ni vafarisi vayingeli swifaniso swake, vativa leswaku afa ahlaya vone. 46Kutani vadjula kumukhoma, kambe afa vatxhava switrhungu hi leswi vanyingi afaka vaku i muprofeta.
Tans Gekies:
Mt 21: NTX2007
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Xironga New Testament with Psalms © Bible Society in Mozambique, 2007.
