MARKUS 16
16
Mori mbalina Ruma Isa
(Mat. 28:1-8, Luk. 24:1-12, Yah. 20:1-10)
1Wakatu ainaina Sabat wa'ura kalalo, Maria Magdalena, Maria ina la Yakub, ro Salome lao welina marakani d̄i ru'u kaminakaina timba Ruma Isa. 2Aimasid̄i-sid̄i poda wakatu wontu liro, ainaina sarambakaina minggu ede, siad̄oho laona aka rade. 3-4D̄iwoha ncai siad̄oho nggahina d̄i sab̄ua lab̄o sab̄ua dou, ”Couku maloa bantu ndaita makiru peso wadu b̄ontokai karombo rade?” B̄ara wadu ede na'ipiku na'ena. Pala rongga siad̄oho ta ede edana wadu ede wa'ura kiru weki. 5Edempara siad̄oho lu'una ade rade ede. Tad̄eina d̄i wela wanana, eda b̄a siad̄oho sab̄ua dou sampela ma kani jumba lanta ma wunga doho, ro wed̄i siad̄oho.
6Nggahi dou sampela ede, ”Aina dahu! Nahu kab̄adeku nggomid̄oho mangupaku Isa dou Nazaret rasalib ede. Sia wati warana ta ake. Sia nawa'ura mori mbali! Tiopu, ake hid̄i ra karu kai b̄a siad̄oho Sia. 7#Mat. 26:32, Mrk. 14:28 Ake laora, karonggapu haba ake d̄i anamorid̄oho-Na, d̄i la Petrus rau. Nggahipu, ’Sia malao ulu aka Galilea. Ta aka nggomid̄oho d̄ima'eda angi lab̄o Sia, b̄une rawa'u nggahi-Na d̄i nggomid̄oho.’ ”
8Ndad̄i siad̄oho losana rad̄i rade ede edempara raina b̄ara wed̄i ra dahuna. Siad̄oho wati nggahina au-au d̄i cou-cou rau, b̄ara dahuna.
Ruma Isa katadana weki d̄i la Maria Magdalena
(Mat. 28:9-10, Yah. 20:11-18)
[9Sawa'u b̄a mori mbali Ruma Isa rad̄i madena, aimasid̄i-sid̄i d̄i ainaina Minggu, Sia saramba-rambakaina katadana weki d̄i la Maria Magdalena. (Rad̄i la Maria ede parana kalosa b̄a Ruma Isa pidu roh seta.) 10Edempara la Maria Magdalena lao ngoana mandad̄i ede d̄i lenga-lenga Ruma Isa, ma wunga ncoki ade ranangi. 11Pala wakatu ringa b̄a siad̄oho b̄a one Ruma Isa mori, ro b̄a one la Maria mawa'ura eda Ruma Isa wati imbi b̄a siad̄oho.
Ruma Isa katadana weki d̄i anamori-Na d̄uana
(Luk. 24:13-35)
12Sawa'u b̄a ede Ruma Isa katadana weki d̄i anamori-Na d̄uana kai cara ma kalai. Ede ndad̄ina aipu d̄ua dou ede wunga lampana lao aka sab̄ua kampo. 13Ndad̄i siad̄oho dula mbalina ro ngoana lampa rawi ede d̄imakalai-laina. Pala siad̄oho wati imbina.
Ruma Isa katadana weki d̄i anamorid̄oho-Na
(Mat. 28:16-20, Luk. 24:36-49, Yah. 20:19-23, Kis. 1:6-8)
14Cumpukaina, Ruma Isa katadana weki d̄i sampuru sab̄ua anamori-Na, wakatu siad̄oho wunga ngahana. Sia rojona siad̄oho b̄ara siad̄oho kura imbina ro na'ipiku tera tutana ndad̄ina wati imbina d̄i dou-dou ma wa'ura eda b̄a ndaina b̄a one Ruma Isa mori. 15#Kis. 1:8 Edempara Ruma Isa nggahina d̄i siad̄oho, ”Laora aka sara'a dunia ro ngoa ra kahabapu Haba Mataho ma ramai ta Ruma Hatalla ede d̄i samenana ela manusia. 16Dou ma wati imbi d̄i hukum. Pala dou ma imbi ro d̄ikandeu karaso, d̄imasalama. 17D̄ibukutikai b̄a one siad̄oho imbina, dou-dou ede d̄imab̄aka kalosa roh seta kai ngara Nahu; siad̄oho d̄imanuntu ra nggahi kai bahasa-bahasa rawati b̄ade b̄a ndai siad̄oho. 18Nggara siad̄oho nentina sawa atao nonona racu, siad̄oho wati d̄ima'iha. Nggara siad̄oho tohona rimana ese wawo dou-dou ma supu, dou-dou ede d̄imataho.”
Ruma Isa d̄i hanta lao aka saroga
(Luk. 24:50-53, Kis. 1:9-11)
19 #
Kis. 1:9-11
Sawa'u b̄a Ruma Isa nggahina lab̄o siad̄oho. Sia rahanta lao ese saroga. Ta aka Sia naparenta sama-sama lab̄o Ruma Hatalla. 20Edempara anamorid̄oho-Na lao ro ngoa ra kahabana haba ma ramai ta Ruma Hatalla tab̄e-b̄e. Ro Ruma rau b̄atu karawi sama-sama lab̄o siad̄oho ro nakatadaku bukutina kai rawi mab̄isa ra guna b̄a one rakahaba b̄a siad̄oho ede napodaku.]
Tans Gekies:
MARKUS 16: LAIBHP
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
@LAI 2001
