YOANA 17
17
Mboya ya Yesũ
1 #
Yoa 11.41; 13.1. Maũndũ asu Yesũ aneena; na ang’elelya metho make ĩtunĩ, na asya, Asa, saa nĩ mũviku; taĩa Mwana waku, nĩ kana ũ Mwana akũtaĩe; 2#Mt 11.27.o ũndũ wamũnengie ũkũmũ wa kwĩaĩa andũ onthe, nĩ kana onthe ala wamũnengĩe, amanenge thayũ ũtathela. 3#1 Yoa 5.20; 1 Ath 1.9.Na thayũ ũtathela nĩw’o ũũ, nĩ kana makũmanye we Ngai ũla wa w’o weka, na ũla wamũtũmie, nake nĩ Yesũ Klĩsto. 4#Yoa 4.34.Ninĩkũtaĩĩte kũũ nthĩ, nũndũ nĩnĩminĩte kwĩka wĩa ũla wanengie nĩke. 5#Yoa 1.1; 17.24; Avi 2.6.Na yu, Asa, ndaĩĩthya vamwe naku, na ũtaĩo ũla naĩ naw’o vamwe naku nthĩ ĩtanamba ũtw’ĩkĩthw’a. 6#Yoa 17.9; Mt 6.9.Nĩnamaumĩlĩlye syĩtwa yaku andũ ala wanengie kuma kwa ala ma nthĩ: maĩ maku, naku wanenga mo; na nĩmakwatiend to yaku. 7Na yu nĩmesĩ kana maũndũ onthe ala wanengie maumaa kwaku: 8#Yoa 16.30.nũndũ ndeto ila wanengie nĩnĩmanengete; na nĩmasyosie, na nĩmamanyie w’o kana naumie kwakũ, na meetĩkĩla, aĩ, nue wandũmie. 9#Yoa 6.37,44.Nĩngũmavoyea: ndiũmĩvoyea nthĩ, ĩndĩ nĩ ala wanengie; nũndũ nĩ maku: 10#Yoa 16.15; Lk 15.31.na syĩndũ syonthe ila syakwa nĩ syaku, na ila syaku nĩ syakwa: nakwa nĩndaĩawa nthĩnĩ wasyo. 11#Yoa 10.30; Mt 6.13.Na ndi kũũ nthĩ ĩngĩ, ĩndĩ aa me kũũ nthĩ, na nĩngũka kwaku. Asa Mũtheu, masũvĩe syĩtwanĩ yaku yĩla wanengie, nĩ kana methĩwe me ũmwe, o taitũ. 12#Yoa 6.39; Sav 41.9; 109.8; 2 Ath 2.3.Ĩvinda yĩla naĩ vamwe nao, nĩnamasũvĩaa syĩtwanĩ yaku yĩla wanengie: na nĩnamasyaĩĩasya, na vai ũmwe waaa ate o ũla mwana wa wanangĩko; nĩ kana maandĩko meanĩw’e. 13#Yoa 15.11.Na yu nĩngũka kwaku; na maũndũ aa nĩneena kũu nthĩ, nĩ kana methĩwe na ũtanu wakwa wusũe, nthĩnĩ wamo. 14#Yoa 15.19.Nĩnĩmanengete ndeto yaku; na nthĩ nĩyamamenie, nũndũ mo ti ma nthĩ, o ũndũ nyie ndi wa nthĩ. 15#2 Ath 3.3; 1 Yoa 5.18; Mt 6.13; Lk 22.32.Ndiũvoya nĩ kana ũmaumye kũũ nthĩ, ĩndĩ nĩ kana ũmasũvĩe kwa ũsu mũthũku. 16Namo ti ma nthĩ, o ũndũ nyie ndi wa nthĩ. 17#Yoa 6.63.Mavahe methĩwe atheu nthĩnĩ wa ũla w’o: ndeto yaku nĩyo w’o. 18Tondũ wandũmie kũũ nthĩ, o ta ũu nakwa nĩnamatũmie kũũ nthĩ. 19#Aevl 10.10.Na kwondũ wamo nĩngwĩvatha, nĩ kana namo mavathanw’e methĩwe atheu nthĩnĩ wa ũla w’o. 20#Yoa 17.9.O na ti asu oka ngũvoyea, ĩndĩ nĩmavoyea ala makambĩtĩkĩla nũndũ wa ndeto yoo; 21#Aka 3.28.nĩ kana onthe methĩwe me ũmwe; o ũndũ we, Asa, wĩ nthĩnĩ wakwa, nakwa nĩ nthĩnĩ waku, kana namo methĩwe me nthĩnĩ waitũ: nĩ kana nthĩ yĩtĩkĩle kana nĩwandũmie. 22#Meko 4.32.Na ũtaĩo ũla wanengie nĩnĩmanengete w’o; nĩ kana methĩwe me ũmwe, o ũndũ ithyĩ twĩ ũmwe; 23#1 Ako 6.17; Ako 2.20.nyie nthĩnĩ woo, naku nthĩnĩ wakwa, kana methĩwe eanĩu nthĩnĩ wa ũmwe; nĩ kana nthĩ ĩmanye, aĩ, nĩwandũmie, na nĩwamendie o ũndũ wambendie. 24#Yoa 10.29; 12.26; Aev 1.4.Asa, nĩngwenda asu ala wanengie methĩwe vamwe nakwa vala nĩĩ, kana monage ũtheu mũtisu wakwa, ũla wanengie: nũndũ nĩwambendie mbee wa nthĩ ĩtanambĩlĩlw’a. 25Ĩĩ, Asa mũĩũngalu, nthĩ ndĩaakũmanya, ĩndĩ nĩnakũmanyie; na aa nĩmamanyie kana natũmiwe nue: 26na nĩnĩmamanyithĩtye syĩtwa yaku, na ngatũma yimanyĩka; nĩ kana wendo ũla ũmbendete naw’o wĩthĩwe nthĩnĩ woo, nakwa nĩthĩwe nĩ nthĩnĩ woo.
Tans Gekies:
YOANA 17: Mbivlia
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
