Saint Matthieu 8
8
1Da ko̱ Jésus mi diri an souraguèl tou, ro̱kè njoukouli nyè maïya sé falè. 2Da mono, njou‐ndo̱wè mi guè monè da houdou mbèlè ka hiou nè, ka sa: Nanjou, tokoré mome jiji mo ma baï mossona mi tangta. 3Da Jésus mi ndara ndo̱kè, ka da nè, ka sa: Mè ji bo̱ko̱kè, an mono mi tangta. Da koukoulion ndo̱wè nè mi fé tou. 4Da Jésus sa hi nè: Mi bo̱l bilo̱ ka mo tane sa hi njoukouna mbéo ya; da mo sé ka to̱ko̱ mono hi ba sacrificateur, da hi toul ndo̱ko̱ on ko̱ Moïse mi sa bi njakè, ko̱ ba sana bongbaï hi kli.
5Da ko̱ Jésus mi sé guè pou Capernaüm tou, kabita a tourougouli mi guè monè, ka sa jo̱jo̱ nè, ka sa: 6Nanjou, njou‐bakara ni mi na jangma yawè, da na bou voulou, ka to̱ko̱ssé nyèta. 7Da Jésus sa hi nè: Yé mè guè ka haï monè. 8Da kabita tourougouli mi féré sa, ka sa: Nanjou, mè tane ga ma an mome gui bil vouli ya; da mo sa ba baï njako̱ ka ho̱kè, da yé mona njou‐bakara ni ma haï. 9Baï ko̱ mè ba njou‐bina njaka kéng. Mè ba nanjou a tourougouli; da mème sa hi aïn mbéo: Mo sé! da kè sé; mè sa hi aféké; mo gui! da kè gui; da mè sa hi njou‐bakara ni: Mo nding on! da kè nding. 10Da ko̱ Jésus mi la baï on laou‐è mi sé siya, da kè sa hi kli on ko̱ sé falè: Babaï, mi mè sa hi oui, mè tane ga ko̱ loukou tounassaon mahana ka aïn ya, tèn njoukouna an Israël ya. 11Da mè sa hi oui, yé njoukouli nyèta ma ourou ka mboro tènassé da mboro linassé, da ma kaou table jing Abraham, da Isaac tèn Jacob, an bilkaou a nonkala. 12Da mi wou goundi a bilkaou bou yilime tèn kala, guèl ko̱ lénaléou da sona sél kli mana an ndourou. 13Da Jésus sa hi kabita tourougouli on: Mo sé fèno, an fèn mi nding hi mo, mahana ko̱ mo la bilaou. Da mona njou‐bakara mi haï ka l’heure o̱kèo̱.
14Da ko̱ Jésus mi ri sé bil voula Pièrre tou, kè ko̱ ma a waïn a Pièrre mi na jangma jing monè mba hèlè ta. 15Da kè da ndo̱kè da hèlè monè vo tou, da waïn on mi ourou siya ka nding bakara hi nè.
16Da ko̱ bèlaléou mi lé tou, kli fan njoukouli nyèta jing zabololi guè mona Jésus. Da kè ni espritli tèn kala ka baïnjakè, da kè haï mona njou‐jangmali bon, 17an tènrèn none baï ko̱ mi sa ka njaka prophète Ésaïe mi tèn kala ka babaï, ka sa: Kè fènè mi ya hèfèrè na guèfal da hol jangma nali bi toulè.
18Da ko̱ Jésus mi ko̱ rokè njoukouli nyèta kaou gui ki nè, kè sa bi njaka kli an klime do̱li sé hélé nguèng a lèkè. 19Da njou‐to̱ko̱na bong guingna mbéo gui monè, ka sa hi nè: Njou‐to̱ko̱nafèn, guèl bon ko̱ mome sé, yé mè ma sé falo̱. 20Da Jésus mi féré sa hi nè: Kou a guéli mana, da ndoïli an nonkala makaou ka voula kli; da guèl mi tane ti an Goune a njoukou mi bi toulè guè rou ya. 21Da njou‐séna bong aféké mi sa hi nè: Nanjou, yèng an mè sé ka goro baba ni ti dambèl da. 22Da Jésus mi féré sa hi nè: Mo gui fali, mo yèng an houl mi goro houl klili fèn kli.
23Da ko̱ Jésus mi hé bil kombone, njou‐séna bong nèli sé falè. 24Da mono koukouna bine‐té mi kou yan none mbi nyèta, da on wouna mbi sé bil kombone ta, da Jésus mi na name. 25Da njou‐séna bongli mi guè monè ka tome nè, ka sa: Nanjou mo lé mbèla, ba yé na hou! 26Da kè sa hi kli: Baïfèn da waou mi i oui on lé? oui njoukouli jing tounassaon nyè ya! Da on kè ourou siya ka to koukouna da loukou mbi, da guèl mi o chiou. 27Da laou a njoukouli on mi sé siya, kli sa: Njoukou aïn ba guè, da koukouna da loukou mbi mi ndé la baï nè lé?
28Da ko̱ kème sé hélé nguèng a lèkè guèl njou?-?Gadarénienli, kè woutoul jing njoukouli séré ko̱ jing zabololi, ko̱ tèn gui toul pal kou. Kli ba wonron ta, da njoukouna mbéo tane ma baï tana guèl o̱kèo̱ ya. 29Da mono, kli wan njaka, ka sa: Fème ko̱ mbèl mo jing na lé? mo Goune a Ouone. Mo gui guèl aïn baï zara na ambèl, ko̱ namkè mi pane lé? 30Sarang ngoïyali nyèta mi kaou dita jing kli baï sona laka. 31Da zabololi mi sa jo̱jo̱ a Jésus: Tokoré mome ni na tèn kala, mo pi na sé bila ngoïyali on an soko. 32Da kè sa hi kli: Oui sé! Da kli tèn kala ka sé guè bila ngoïyali. Da mono, sarang a ngoïyali bon mi ourou an bèl souraguèl ka ngou gata diri sé njaka loukou mbi, ka lé mbi da hou guè mbi. 33Da kli on ko̱ ko̱ro̱ ngoïyali, kli ngou sé guè bil loukou pou, ka to̱ko̱ bong fènli bon da fèn ko̱ mi tèn njoukouli on jing zabololi jinguèl. 34Da mono, njoukouli bon an pou aïn mi gui ka woutoul jing Jésus, da ko̱ klime ko̱ nè, kli sa jo̱jo̱ nè, an kème ourou an bil sél pou kli.
Tans Gekies:
Saint Matthieu 8: KBN1947
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Published by the British and Foreign Bible Society in 1947.
