Suluet 5
5
Nyakwariat ti Adama
(Köli 1 Dekat 1.1-4)
1 #
Sul 1.27, 28 Na a buk na wurörikin karin tinyakwariat ti Adama. I ŋilu lor lo gweji ŋun ŋuto lu, a nye gweji lepeŋ gwoso gwesin kanyit ti Ŋun. 2#Mat 19.4; Mar 10.6 A nye gweji se ko lalet ko nakwan, a nye ’boroji se, a gwije se a Ŋutu i ŋilu lor lo gweyari se lu. 3A dama gwolore kinajin mia geleŋ ko merya musala, a nye yuŋuŋdye ŋuro gwoso gwesin kanyit i gwuluet nanyit, a gwije lepeŋ a Sete. 4A i mukök na yuŋuŋdye nye Sete nu, a nye iŋge si ’da ko kulye kiŋajin miajin budök, a nye yuŋuŋdye kulye ŋwajik lyan ko nawate. 5Nyena a Adama iŋge gwolor ko kiŋajin miajin buŋwan ko merya musala; a kirut a nye twane twan.
6A nagon Sete aje gwolor ko kiŋajin mia geleŋ ko mukanat nu, a nye yuŋu ŋdye Enosa. 7A i mukök na yuŋuŋdye nye Enosa nu, a Sete iŋge si ’da ko kulye kiŋajin miajin budök ko buryo, a nyeyopuŋdye kulye ŋwajik lyan ko nawate.
8Nyena a Sete iŋge gwolor ko kiŋajin miajin buŋwan ko puök wot murek; a kirut a nye twane twan.
9A nagon Enosa aje gwolor ko kiŋajin merya buŋwan nu, a nye yuŋuŋdye Kenan. 10A i mukök nayopuŋdye nye Kenan nu, a Enosa iŋge si ’da ko kulye kiŋajin miajin budök ko puök wot mukanat, a nye yuŋuŋdye kulye ŋwajik lyan ko nawate. 11Nyena a Enosa iŋge gwolor ko kiŋajin miajin buŋwan ko mukanat; a kirut a nye twane twan.
12A nagon Kenan aje gwolor ko kiŋajin merya buryo nu, a nye yuŋuŋdye Malalele. 13A i mukök na yuŋuŋdye nye Malalele nu, a Kenan iŋge si ’da ko kulye kiŋajin miajin budök ko merya Iŋwan, a nye yuŋuŋdye kulye Ŋwajik lyan ko nawate. 14Nyena a Kenan iŋge gwolor ko kiŋajin miajin buŋwan ko puök; a kirut a nye twane twan.
15A nagon Malalele aje gwolor ko kiŋajin merya buker wot mukanat nu, a nye yuŋuŋdye Yarede. 16a i mukök na yuŋuŋdye nye Yarede nu, a Malalele iŋge si ’da ko kulye kiŋajin miajin budök ko merya musala, a nye yuŋuŋdye kulye ŋwajik lyan ko nawate. 17Nyena a Malalele iŋge gwolor ko kiŋajin miajin budök ko merya buŋwan wot mukanat; a kirut a nye twane twan.
18A nagon Yarede aje gwolor ko kiŋajin mia geleŋ ko merya buker wot murek nu, a nye yuŋuŋdye Enoka.
19A i mukök na yuŋuŋdye nye Enoka nu, a Yarede iŋge si ’da ko kulye kiŋajin miajin budök, a nye yuŋuŋdye kulye ŋwajik lyan ko nawate. 20Nyena a Yarede iŋge gwolor ko kiŋajin miajin buŋwan ko merya buker wot murek; a kirut a nye twane twan.
21A nagon Enoka aje gwolor ko kiŋajin merya buker wot mukanat nu, a nye yu miajin budök, a nye yuŋuŋdye kulye ŋwajik lyan ko nawate. 22A i mukök na yuŋuŋdye nye Metusela nu, a Enoka wöröni ko ŋun ko kiŋajin miajin musala, a nye yuŋuŋdye kulye ŋwajik lyan ko nawate. 23Nyena a Enoka iŋge gwolor ko kiŋajin miajin musala ko merya buker wot mukanat. 24#Eb 11.5; Yud 1.14 a Enoka wöröni ko Ŋun; a kirut a lepeŋ gwe ’bayin kogwon Ŋun a joŋga lepeŋ.
25A nagon Metusela aje gwolor ko kiŋajin mia geleŋ ko merya budök wot buryo nu, a nyeyopuŋdye Lamek. 26A i mukök na yuŋuŋdye nye Lamek nu, a Metusela iŋge si ’da ko kulye kiŋajin miajin buryo ko merya budök wot murek, a nye yuŋuŋdye kulye ŋwajik lyan ko nawate. 27Nyena a Metusela iŋge gwolor ko kiŋajin miajin buŋwan ko merya buker wot buŋwan; a kirut a nye twane twan.
28A nagon Lamek aje gwolor ko kiŋajin mia geleŋ ko merya budök wot murek nu, a nyeyopuŋdye ŋuro lulalet, 29#5.29 Noa Karin ti Noa kweja adi Kato golonit a nye gwije lepeŋ a Noa, kulya adi, Lo ŋuro mo lwöggu yi kogwon kita nikao se ko dara na könisi kao i kuŋu na kak nagon MATAT aje seŋdya na.
30A i mukök na yuŋuŋdye nye Noa nu, a Lamek iŋge si ’da ko kulye kiŋajin miajin mukanat ko merya buŋwan wot mukanat, a nye yuŋuŋdye kulye ŋwajik lyan ko nawate. 31Nyena a Lamek iŋge gwolor ko kiŋajin miajin buryo ko merya buryo wot buryo; a kirut a nye twane twan.
32A nagon Noa gwe ko kiŋajin miajin mukanat nu, a nye yuŋuŋdye Seme, ko Ama ko Yapete.
Tans Gekies:
Suluet 5: BBE
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Bari Bible © United Bible Societies, 1979.
