Marku 12
12
Tsë-bi sun dang-ke
1Hau hkun dang-ke e Yang yang maw le tai hë e gë, “Byu ra yu tsë-bi sun haw taw lwi, ling hkyu ma hkyam kyam taw le e, tsë-bi htung du taw lwi, ji ra lum sai taw lwi, sun sai e byu pe le boi bi taw lwi, ga mung shut e ni byu e.
2Ahkwi yam je jang, sun sai bang e law mai hau sun ma shi ra wam waw yu shang ga, sun sai hang jang shut jun ra yu le nang kat e.
3Yang maw yu gë, yang le jup-yu lwi, nu lwi, a kawm naug kat kaw e.
4Jun gaw yu le yang yang maw jang shut dum nang kat e. Hau yu e u-lum le yang nu-che bi lwi, yang le a-haw-a-hë law hpu kaw e.
5Gaw-tu le dum nang kat le, hau yu le yang maw sat pyam haw e. Gaw bang myaw myaw le yang nang-kat kaw-lang, yang maw ra wam le nu lwi, ra wam le gë, sat pyam kaw e.
6Yang jit-dap e yang zaw ra yu ni a-ehi, yang le le ra mung htang ma yang maw jang hpyang shut nang kat e ngut mu. ‘Yang maw gë, nga zaw le gyu-hpau kaw ra,’ ga lwi, mit taw e.
7Sun sai e bang gë, ‘Shi yu gë i-sut-i-gan sing ra su ngut le. Le ke! Yang le sat pyam shang, han hkun she, yang e i-sut-i-gan i-nung waw yu ra ngut le,’ ga lwi, shida bawng lum kaw e.
8Hau mu lwi, yang maw yang le jup yu lwi, sat pyam mu sun lut shut du pyam kaw e.
9Hau yan-mai tsë-bi sun yum-sing gë, hka-su-kut kaw ra hta? Yang je e lwi, sun sai e bang le sat pyam lwi, hau sun gë, byu gaw yu le htawt bi bura.
10Hau htaw akaw,
‘Yum tsu bang hkin pyam e lugawk gë,
htung chun htang ma lugawk dut law be.
11Hau gë, hau yum-sing yan-mai kut
law e ngut lwi, i-nung hë ma mau
hpaw a-mu ngut taw le,’
ga e mau-sau le lang, nung maw a ngap-wu kaw lu?” ga e.
12Hau yan-mai yang maw gë, Yang le jup yu ra haw kaw-law, shiwa byu pe le gyu taw akaw. Hka-su-mu-ga-le, shi dang-ke le yang maw e hkyaw Yang tai ni e gë, yang maw se gyaw kaw e. Hau hkun yang maw Yang le pyam taw lwi, htaw byn law kaw e.
Hparishe pe gë, Yesu le jam-wu kaw e
13Hau htang, Yang e dang ma Yang le lawm tawng yu shang ga, yang maw gë, Hparishe ye e Herodi ga bang ra wam le, Yang jang shnt nang-kat kaw e.
14Hau hkun yang maw je le lwi, “Sara e, Nang ding-man ni le e, aw le le a gam ni e gë, nga maw se be. Byu e myaw-dawng le Nang a hkin yu e za. Karai Kasang e hkyaw le ding-man e dawng nyaw maw ni ra. Kehta hkaw-hkam le hkan-se, ge kat ra lu?”
15“Nga maw kat ra lu? a kat ra lu?” ga lwi, Yang le mi kaw e. Yang yu gë, yang maw e i-mit-i-pyam baw e le se lwi, “Nung maw hai mu Ngaw le jam-wu ni akaw hta? Ngaw wu wu ba, hau ngun ra chap Nga jang yu-law wu ke,” ga lwi, yang maw le tai e.
16Hau mu lwi, yang maw yu-law wu kaw e, hau hkun Yang gë, “Aw e a-law e masat mau-sau dap le lu?” ga lwi, mi jang. Yang maw gë, “Kehta e a-law e masat ngut le,” ga lwi, Yang le tu kaw e.
17Hau mu lwi Yesu ge, “Kehta e seng e le gë, Kehta le bi ke. Karai Kasang e seng e le le, Karai Kasang le bi ke,” ga lwi, yang maw le tai e. Yang maw yu gë, Yang e hkyaw le ja mau byu kaw e.
Saduke bang gë, Yesu le jam-wu kaw e
18Hau htang, dum dwi taw law ra hkyaw a jaw, ga lwi, tai ni e Saduke pe, Yang jang shut hwi e-law lwi, mi u-jang tai e gë,
19“Sara e, byu ra yu yu e i-mang wa, zaw a dap shi e shi-byu lwi, chwi maw maw ni le. Yang e yang-gu gë, hau chwi-maw le gu yu ra ngut lwi, yang-mang matu-mara htsaw bi shang ga, ga lwi, Mawshe nga maw le ka taw bi be.
20I-su dut e nik-tang wi nit yu ngut taw akaw. Hë ma su gë, mi yu lwi, matu-mara a dap e shi-byu he.
21Htang ma su hau mi-we le gu lwi, matu-mara a dap le shi-byu be. Sum yu ngu ra su le, hau e ra jung za dut byu be.
22Han su mu hau nik-tang nit yu matu-mara a dap kaw, lung-lang bang htang htum ma han mi-we-zaw le shi hyu law be.
23Ahkwi hau dum dwi taw law e ma, hau bang jang ma aw yu e yang-mi yang dut ra lu? Hka-su-mu-ga-le, byu nit yu yang-mi yang dut wu be,” ga kaw e.
24Yesu gë, “Hau jum mau-sau e Karai Kasang e wum-aw le nung maw a se kaw e yan-mai, nung maw hkyaw ngaw-ni akaw lu?
25Shi e bang dum dwi taw law jang, mi-yu-mi-bi lum ra a ngut. Yang maw gë, mau-hkung htaw ma mau-mang pe e ra jung za dut ni kaw ra.
26Hau htaw ma gaw-tu, shi byu e bang dum dwi taw law ra hkyaw, Karai Kasang gë, hau zu-byap yam ma Mawshe le, ‘Ngaw gë, Abraham e Karai Kasang, I-sak e Karai Kasang, Yaku e Karai Kasang ngut taw le,’ ga e dan le, nung maw Mawshe e mau-sau ma a ngap-wu kaw lu”?
27“Karai Kasang jau gë, shi bang e Karai Kasang a ngut, ru-dwi ni hang e Karai Kasang she ngut le. Nung maw hkyaw ja shut byu bakaw,” ga tai e.
Mau-sau ka sara gë, Yesu le jam-wu kaw e
28Hau hkun mau-san ka sara ra yu je le lwi, yang maw hë-lum e hkyaw waw gyaw le e, Yesu yang maw le lawm-tu e dang hkyaw e le se e yan-mai, “Sang taw e dang ban shaw ma, hka lum je kaw le hta?” ga lwi, Yang le mi kaw e.
29Yesu gë, “‘Israela a-myu e, gyaw yu ke! I-nung e yum-sing Karai Kasang gë, yum-sing ra yu za ngnt taw le.
30Hau yum-sing nang e Karai Kasang le, nang ung-hkau i-mit lung lang e, nang e i-mit-nik-lum lung lang e, nang e i-mit-i-mang ban shaw e, nang e wum-aw ban shaw e, nang jit-dap i-mit waw-ra ra le,’ ga e dang gë, je kaw e dang ngut taw le.
31Htang ma dang lum gë, ‘Nang e yum-kyaw wa le, nang gung e ra jung za nang jit-dap i-mit waw-ra ra le.’ Shi dang i hkun ma je kaw e sang taw e dang a jaw,” ga lwi, tu e.
32Hau mau-sau ka e sara gë, “A ra, ngut be, Sara e. Karai Kasang gë, ra yu za ngut taw le e. Yang mai gaw je aw a ni law, Nang tai e dang, ge ge teng taw ra.
33Hau htaw ma gaw tu, ung-hkau i-mit lung-lang e, i-mit-hpa-ji lung-lang e, wum-aw lung-lang ban-shaw e, Yang le jit-dap lwi, yum-sing e yum-kyaw wa le yum-sing e gung du e ra jung za jit-dap e gë, mi-ngye hking-ga e hking-ga a-myu ban shaw ma je kaw e ngut taw le,” ga lwi, Yang le tai e.
34Hau yu kung-hpan i-mit e tu e le Yesu se jang, “Nang ge, Karai Kasang mung-dan e we ni le a ngut law,” ga lwi, yang le tu e. Hau htang, aw le Yang le hai lang, a wam mi la kaw.
Yesu yang maw le pu tai e
35Ahkwi Yesu naw-ku jawng hkau shut nyaw maw ni le pu tai e gë, “Hkristu gë, Dawi yang-shu-zaw ngut le, ga lwi, mau-sau ka e sara pe hka su mu tai taw akaw hta?
36Dawi yang-gung, hau joi-yung we ni ma,
‘Hau yum-sing nga yum-sing le tai e gë, nang e gum-lau pe le nang e hki wang ma ngaw taw taw e je shaw, nga e law yaw shut ru-zung ni shi a!’
ga lwi, tai ni ra.
37Dawi yang-gung-yang, hau Hkristu le ‘Yum-sing,’ ga e, hau su ngut le gë, yang e yang-shu-zaw hka-su-mu ngut ra ga hta?” ga tai e. Shiwa byu pe jau gë, kabu gara le e Yang le gyaw nau bi kaw e.
Yesu gë, mau-sau ka sara pe ie, sa-di ni ke ga e
38Dum nyaw maw ni u-jang, Yesu tai e gë, “Mau-sau ka sara pe le sa-di ni ke. Yang maw bu-hëng wut u-jang, saw lam nau lwi, gai-hka gawn e le.
39Tara jawng hka ma je-myang e tang myang pe le le, poi hka ma e je-hkëk zung jang pe le aw-nau taw akaw.
40Chwi-maw chwi-zaw yum pe le yang maw hpyaw-zaw-hpyaw-shu lwi, kya-mit e ga-hëng-ga-myang a-kyu dung akaw. Hau bang gë, daw-dan pyam e je lwi hwi bakaw ra,” ga e,
A-lu sadek ma a-lu kat bum kaw e
41Hau htang hau a-lu sadek dwi-dwi ma Yang zung taw lwi, shiwa byu pe hau a-lu sadek ma hting-chap kat kaw e le wu ni le. I-sut waw bang myaw myaw wa, myaw myaw le kat bum kaw e.
42Hau hkuu a-shaw-a-wi dut e chwi-maw mi ra yu le lwi, byek san ra lum gung e gi hting-chap i lum kat be.
43Hau yan-mai Yang e lagyaw wi le Yang wut yu lwi, “Nung maw le Ngaw teng teng tai kyaw le, shi a-shaw-a-wi mu e chwi-maw mi gë, a-lu sadek ma kat taw e bang ban shaw ma, je myaw lwi kat kat be.
44Hka-su-mu-ga-le, yang maw lung-lang bang, yum-sing a-gun-a-gaw waw e htaw ma mit e le kat taw akaw. Yang jau gë, yang a-shaw-a-wi mu e ma waw-ma-waw ban shaw le ngut be. Yang e asak bau ra ze lung-lang le kat pyam be,” ga e.
Tans Gekies:
Marku 12: ATB1951
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© British and Foreign Bible Society 1951
