Spreuke 31:1-9

Hier is die dinge wat koning Lemuel van die land Massa se ma vir hom geleer het. My kind, my eie kind, ek het 'n gelofte oor jou gemaak. Jy moenie al jou krag, jou lewe, gee vir vroue nie, vroue verwoes konings. Lemuel, konings moenie wyn drink nie, mense wat regeer, moenie dronk word nie. Want wanneer hulle drink, dan kan hulle miskien die wette vergeet, en dan doen hulle nie reg aan al die mense wat hulleself nie kan beskerm nie. Jy moet drank gee vir die mense wat besig is om te sterf, jy moet wyn gee vir die mense wat swaarkry. Wanneer hulle drink, dan sal hulle miskien vergeet dat hulle arm is en dan sal hulle nie meer daaraan dink dat hulle swaarkry nie. Wanneer mense nie self kan praat nie, dan moet jy sê wat hulle wil sê, jy moet praat en reg doen aan almal met wie dit sleg gaan. Jy moet praat, jy moet reg oordeel, jy moet reg doen aan die mense wat hulleself nie kan beskerm nie, die mense wat niks het nie.

Gratis leesplanne en oordenkings oor Spreuke 31:1-9