MIJAHEI 30
30
Intepna Chungchânga Dânhei
1Moses’n Israel phung hlamkakeihei hneng ṭong apek hei. 2Mi inkhat in Rōngpu hnenga heikhat pek sik a a-emak leh heikhat a inphut bâng sik tia a’ntep pha, a’ntepna kha asukkhōi mak sik kae, tlo sik aleiti rakip kha atlo nger sik kae.#Dân 23.21-23; Mt 5.33
3Nuhngâk inkhat apa inna ala-om shunga, heikhat Rōngpu pek sik a-emak leh heikhat bâng sik tia a’ntep pha, 4amanu ṭongkamna leh intepna kha, apa’n athei pha ṭong aneimak inchu, heirakip kha atlo nger sik kae. 5Tâk-kha apa’n a’ntepna kha athei pha, pui mathluk sik kha ating inchu, amanu’n anit sik rangei mak, Rōngpu’n amanu arangei mandam sik, ajârchu apa’n amanu tanit sik kha hnōmpek mak joa kae.
6Puise lakanei mak nuhmei inkhat in intluktak a a-emak leh intluk loa intepna aneia, a-emak leh heikhat tlomak sik a a’ntep a, khava sōa puise anei inchu, 7apuise’n a’ntepna hei kha athei pha ṭong aneimak inchu, ale’ntepna rakip kha atlo mathluk nger sik kae. 8Tâk apuise’n intepna hei kha athei pha ahnōm pek mak inchu, amanu’n khahei kha atlo sik rangei mak jo. Rōngpu’n amanu arangei mandam sik.
9Hmeithai inkhat in, a-emak leh inṭhenpui jo nuhmei inkhat in a’ntepna rakip leh heikhat bâng sik tia a’ntepna rakip hei kha ajui nger sik kae.
10Puise kanei nuhmei inkhat in a’ntep a a-emak leh heikhat bâng sik tia a’ntep inchu 11Aṭong kamna leh a’ntepna hei kha apuise’n athei pha ṭong aneimak inchu, amanu’n heirakip kha atlo mathluk nger sik kae. 12Tâk apuise’n amanu intepna hui mathlung sik kha athei pha ating inchu, amanu’n khavakha atlo sik a rangei mak. Rōngpu’n arangei mandam sik, ajârchu apuise’n amanu intepna pui mathluk sik kha ating joa kae. 13Apuise’n amanu ṭongkamna leh intepna rakip kha manhnetna leh manbângna ratha aneia kae. 14Tâk-kha apuise’n atheining heite ati mak inchu, amanu’n aṭong kamna leh a’ntepna rakip hei kha atlo mathluk nger sik kae. Ama’n khavakha atheining ṭong aneimak jo jâra intepna chunga amanhnet jo kae. 15Tâk-kha hnunga an-intepna kha atingpek inchu, intepna hui tlungmakna themmô kha pasepa’n arôn sik kae.
16Hiseng hei hi Rōngpu’n Moses hnenga nuhngâk inkhat apa hnenga alaka-om leh puise kanei jo nuhmei inkhat intepna chungchânga aleipek dânhei kha kae.
Tans Gekies:
MIJAHEI 30: KOMRBSI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
