MIJAHEI 19
19
Sehrat pui Kasen Kângvâm
1 Rōngpu’n Moses leh Aaron hneng 2hiva dânhei hi Israelhei hneng pekna sik ṭong aleipek hei. Sehrat kasen arala nōrna kase ṭōnna ala’n hmangmak Moses leh Aaron hneng anta hongkeia, 3Eleazar thempu antapek sik kae. Rephōr kur vângting keisōt a ahmai kunga that sik kae. 4Khava sō leh Eleazar in athi kha ṭhahrep aloa akutpâr vâng Pōn-inn hmating khan vōisari akathek thlōn sik kae. 5Sehrat pum kha, avun, aravōi, athi khana akari katlunga thempu hmaikunga ro manvâm sik kae. 6Khava sō leh ama’n cedar thing ṭhahrep, hyssop bâk inkhat leh patsen hrui inkhat hmeishunga ahlon manhlut sik hei. 7Khava sō leh apōn asôp heia atak tui insokhum sik khan chu rephōra kahlut thei sik jo; tâk khōhlei mak hma seng a’nthengmak sik kae. 8Serala karopa kha’m apōnhei asôp ngera, ataksa tui a’nsokhum sik kae, tâk ama kha’m khōhlei mak hma seng a’nthengmak sik kae. 9Khava sō leh beklanga a’ntheng inkhat in serala rona akângvâm kha amantûp a rephōr vângting hmun intheng inkhat a avada sik, khava akângvâm kha Israel he’n a’nthengmak suk manthengna tui asyemna sik a da sik kae. Hiva kin hi set manthengna sik a’ntlo inkhat kae.#He 9.13 10Akângvâm intûp mi kha’m apōn asôp sik, khōhlei atlungmak kârseng a’nthengmak sik kae. Hiva dân hi ahei tik a Israelhei leh ramlak mi ankâra ka-om hei sik a hmang sik kae.
Kathi Kalōng Tôn
11Tu achang inum kathi kalōng katôn kha ni 7 beklanga intheng mak. 12Ama kha a’nthengna sik a ni 3 tluk ning leh ni 7 tluk ning mantheng sōtna tui vâng a’nsi sik kae. Khava sō leh intheng sik jo. Tâk-kha ama ni 3 tluk ning leh ni 7 tluk ning a’nsimak inchu, intheng mak ning. 13Tu achang inum kathi kalōng katôna a’nsi intheng mak kha intheng loa ka-om, ajârchu insuk inthengna sik tui vâng la’nthek khummak a kae. Ama’n Rōngpu Pōn-inn kha amanbōk, Pathen mi inkhat a inlomak ning.
14Mi inkhat pōn-inn shunga athi jo’nchu tu mo inkhat pōn-inn shunga aleika-om achanga, ahong kahlut achanga ama kha ni 7 intheng mak jo. 15Pōn-inn shunga ka-om be leh bûr asingna ka-om mak rakip kha’m intheng mak jo hei. 16Mi inkhat in mi taleithat inkhat a-emak leh retlânga thi ngaia akathi kalōng kha atôn joa a-emak leh mi inkhat in mihring ru leh thlân atôn jo’nchu ama kha ni 7 akabōk sik kae.
17Akabōk suk manthengna sik a chu, set sôp manthengna sik a, sehrat kasen arala anrona kha ṭhahrep loa, be inkhat a ada a, tuither leh manhei sik kae. 18Ahma inkeia, a’nthenga ka-om mi inkhat in hyssop bâk inkhat aloa tuia khan amachea pōn-inn leh ashunga ka-om rakip khana aleika-om mihei kha akathing thlōn sik hei. Inhni tlukna, a’nthenga ka-om inkhat in mihring ru, kathi kalōng a-emak leh thlân lei katônpa chunga tui kha akathing thlōn sik kae. 19Ni 3 tluk ning leh ni 7 tluk ning, a’nthenga ka-om inkhat in a’nthengmak chunga tui kha akathing thlōn sik kae. Ni 7 tluk ning mipa kha asuk mantheng sik kae, mi khan apōnhei asôpsōa a’nsisō jo’nchu kani tlâk pha intheng sik.
20Tu inkhat beklanga akabōk jo, a’nsi intheng mak mi kha intheng loa ka-om ṭhak, ajârchu mantheng sōtna tui kha insothlōn mak a kae. Ama’n Rōngpu Pōn-inn kha amanbōk jo, Pathen mi inkhat a inlomak ning. 21Nangni’n hiva dân hi ahei tik a nantajui sik kae. Suk manthengna sik a tui inthingpa kha’m apōn asôp sik hei kae; khana tui katôn rakip kha’m khōhlei atlungmak kârseng intheng mak a kae. 22Akabōk inkhat tasit rakip kha akabōk a ka-om sik, khana khava katôn rakip kha’m khōhlei katlunga kabōk a ka-om sik.
Tans Gekies:
MIJAHEI 19: KOMRBSI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.