MIJAHEI 17
17
Aaron Khōnghre
1 Rōngpu’n Moses hneng ati, 2“Israel mihe’n khōnghre 12 aphung et a hlamkakei inkhat et in anhei pekna sik che manthei hei roh. Ami et rahming kha ama khōnghre chunga mazet roh 3khana Levi kathleng khōnghrea khan Aaron rahming mazet roh. Phung hlamkakei rakip akhōnghre inkhat et sik kae. 4Khahei kha ka-omna pōn-Inna choi hei roh, ṭongtep Bôm hma ka’nhmupuina che hmun a khan vada hei roh. 5Khava sōa kakadeisōt mipa khōnghre kha adôn hong kacher sik. Hing’hin Israel sahe’n nachunga anṭong hrina hi kamanbâng sik hei kae.”
6Khanga Moses’n Israelhei ahri pek jo hei, anhlam kakei rakip he’n phung inkhat a khōnghre inkhat et, akhenga 12 anpek jo, khana Aaron khōnghre kha’m khahei kha leh andasa jo. 7Khang’khan Moses’n khōnghre hei kha Pōn-inn shunga Rōngpu Ṭongtep Bôm hma avada jo hei.
8Ajîng kania, Moses Pōn-inn shunga avahlut pha Levi phung kathleng Aaron khōnghrea adôn aleikacher kha avahmu jo. Inhmōm jo, kapâra almond thei leikahmin jo hei!#He 9.4 9Moses’n khōnghre kha achoi heia Israelhei ava manhmu jo hei. Anmani’n ṭōn kasōk kha anhmu jo, khana hlamkakeihei khan ankhōnghre et anlo male nôk jo. 10Rōngpu’n Moses hneng ati, “Aaron khōnghre kha Ṭongtep Bôm hma son vada male roh. Hivahi Israelhei maṭhitna a’nda sik kae, anṭonghri kha anbângmak inchu akathi sik hei kae.” 11Moses’n Rōngpu ṭongpek kapōa atlo jo.
12Israel he’n Moses hneng anti, “Kha achang inchu keini inchaina jo kae! 13Tu mo inkhat Pōn-inn ahei kahnai bek kha’m akathi nger sik achang inchu keini kankhenga akathisa jo ung kae!”
Tans Gekies:
MIJAHEI 17: KOMRBSI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.