RIPHUTNA 23
23
Sari thi, Abrahaman ithlân mun archôk
1Sari khah kum riza lei sôminika sarikah a dam a; amakhah Sari damsung kum chu a nit. 2Sari khah Kanan rama Kiriat-Arba khua, atûna Hebron an iti tâk khua a khan a thi a. Abrahama khan Sari khah a sûnin a ṭâ tak tak a.
3A nupui ruak zâlna ata khah a thoi a, Hit mihei ziangah a fe a, a va sôn a, 4“Nin lâiah khualmi neh milêng pai ki la nit a; nin ramah hin ki nupui ruak ki phûmna rang mun nen richoh rei,” a ti a.#Heb.11:9,13; TS.7:16.
5Hit mihei khan Abrahama khah an sâm a, a ziangah, 6“Epu, kin thu hi ringai roh, nang chu kin lâiah hin ruaitu lian taka nang kin ien ni nit a; kin ithlân neiheiah hin ni nuamna takah khan ni nupui chu phûm roh; ni nupui ruak phûmna rangin kin lâiah tukhomin thlân mun nang ipe thloi tlak no ning ung e,” an ti a.
7Khanchu, Abrahama khah a thoi a, kha ram mi ngêi Hit mihei makungah khan â khûn a, 8an ziangah, “Hi munah hin ki nupui iphûm ṭha nin ne tipui a nitin chu ringaiihoi takkan Zohara naipa Efrona ram, 9a loi zôla om Makpela pûk khah ne pe rangin ne ngênpui rei. Phûmna mun ki nei theina rangin a man khom â tlukin nin makungah nen richoh riseh,” a ti a.
10Efrona khah Hit mihei lâiah, khopui kul kotsua ribûmna munah khan â ṭhung sa ṭian a. Khanchu, Hit mi Efrona khan mi tin tin riatah khan, 11“Ni mak e, Epu, ki ṭong hi ringai roh; loi khah a pumin a sunga ipûk iom khom nang kî pêk a nit; ki chipuihei mitmu ngêiah hin nang kî pêk a nit; ni nupui chu phûm roh,” itin Abrahama chu a sâm a.
12Nikhomsela, Abrahama chu Hit mihei makungah â khûn a, 13mipui riatah khan Efrona ziangah, “Ringaiihoi takkan ki thu ner ngai pêk rangin nang kî ngên a nit; loi man chu nang lei pe rong, ki ziang ata hih lan la, khanungah khan ki nupui chu amakhan la phûm rong,” a ti a.
14Efrona khan Abrahama khah a sâm a, 15“Epu, loi mun tangka sekel#23:15 Sekel hi gram 16 vêla rik a nit, ram rizat bâk ino, hi zoro lâia ranga hin chu ai lut ok a nit. rizalika man khah, nangmah neh keima rangin tep inrup im a nit a? Ni nupui chu phûm roh,” a ti a. 16Khanchu, Abrahama khan Hit mipuihei riatah Efronan tangka ai ti zâk, tangka sekel rizalikah, rivaimihein varna an imang ngai kha mangin a var a, Efrona kha a pêk tâk a.
17Khangkah khan Makpelaa om Efrona ram, Mamre sak tianga ipûk omna ram kha a loi neh a ramrî sunga thing iom murdi neh khan Abrahama khan ai nei tâk a nit. 18Khua kulkotsua ribûmna muna om Hit mihei murdihei mitmuah khan Abrahama ta a nit tâk iti indetin a om tâk a.
19Kha rizoiin chu Abrahama khan a nupui Sari khah Makpelaa ipûkah khan a phûm tâk a. Kha mun khah Hebron an iti tâk Mamre kôl, Kanan rama om a nit. 20Kha ram khah a sunga ipûk neh khan Hit mihei kuta rithokin thlânmun rangin Abrahama khan a hong idong thal tâk a nit.
Tans Gekies:
RIPHUTNA 23: BIATBSI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
The Bible Society of India
© 2014, Used by permission. All rights reserved. More
