RIPHUTNA 21
21
Isaka suak thu
1 Pumapa khan Sari chu a zu thlo a. Pumapa khan a lei inkung lam angkan Sari khah ṭhat a vur a. 2Khanchu, Sari khan nai a vong tâk a, Pathianin a zianga a ti zoro takah khan Abrahama khah a tar nungin naiipa a nei pêk tâk a.#Heb.11:11. 3Abrahama khan Sarin ai nei pêk a naipa riming khah Isaka a sak a. 4Pathianin thu a pêk lam angka takin a sûn iriat nî a khan Abrahama khan a naipa Isaka ser chu a tan tâk a.#Riph.17:12; TS.7:8. 5Abrahama khah a naipa Isaka a nei tenah khan kum rizaka mi a nit a. 6Sari khan, “Pathianin a nen nui#21:6 ‘Pathianin inuina (Isaka) a ne pêk hi’ itih thei khom a nit. tâk a; mi tin â ria kangânin ne nuipui an ti,” a ti a. 7Amah ngirin, “‘Sarin naite sente la pom a ti,’ ti hih tu ngân im Abrahama ziangah â ti rang a? Nikhomsela, a tar nungah hin naipa kî nei pêk a nit hi,” a ti a.
8Naite khah a hong thuar tîr tîr a, rinunê inbâng zoro a nit tâk a; Isaka khah rinunê an inbâng nin chu Abrahama khan ruai roinpui tak â ṭhe a.
Hagari neh Ismaela ûm isua thu
9Aigupta mi Hagarin Abrahama ranga naipa ai nei pêk Ismaela khan Isaka a phengsan lâi Sarin a mu a. 10Khasika khan Abrahama ziangah, “Hi suaknu neh a naipa hih ûmisua roh. Hi suaknu naipa hin ki naipa Isaka richon a luapui rang ni mak,” a ti a.#Gal.4:28-30. 11Ismaela khom khah a naipa a nit sa sikin kha thu khan Abrahama chu ân buai tak tak a. 12Nikhomsela, Pathianin Abrahama ziangah, “Naipangpa chungchâng thu neh ni suaknu Hagari chungchâng thu hih lungdongnan nei no roh. Sarin ni zianga a ti lam taka khan tho roh; ki ṭong nang inkung lam angkan Isaka hin kêng ner chihei isui ai nit rang a nit.#Rom.9:7; Heb.11:18. 13Suaknu naipa khom hih nangma richi ngêi a nit sa sikin richi itam takka pen, nam roinpuin siam inding ki ti,” a ti a.
14Khanchu, a tûk zîng takah Abrahama khah a thoi a, ibai neh savun peng tuia sip a lâk a, Hagari ân pêl a, a naipa neh khan ân fe tâk a. Khanchu, Beerseba ramchârah khan fena rang reh loiin â vâi â vâi tâk a. 15Savun penga tui khah an in zoi vang nungah khan naipang khah sûlribuk thuaiah a mâk a, 16ilah ianka tah hin a va fe a, â ṭhung a. A lungrilin, “Ki naite thi lâi en ngam mang e,” a ti a. Kha munah â ṭhung lâiah khan iring takkan a ṭap a.
17Pathianin naipang khêk rôl khah a lei riat a, Pathian Vântirtônin rivâna rithokin Hagari khah a zuk isôn a, a ziangah, “Hagari, îtho tâk im nî nit? Ṭi no roh, a omna muna naipang ṭap irî khah Pathianin a lei iriat tâk a nit. 18Thoi inla, fen la, naipang khah ipom inla, ithlâi roh. Ama richihei khah nam roinpui takin ki lai siam inding rang a nit,” a ti a. 19Khanungchu, Pathianin a mit ân vâr pêk a, tuisunsua a mu tâk a, a va fe a, tui-ûmah khan tui khah a thâl insip a, naipang khah ân in tâk a. 20Naipangte khah a hong thuar tîr tîr a, Pathianin a ompui mai a; Paran ramchârah khan a om a, thal ikâp a thiam tak tak a. 21Khanchu, a nu khan Aigupta mi nupuiin ân nei tâk a.
Abrahama neh Abimeleka risôn inrualna
22Kha lâi zoro vêlah khan Abimeleka khah a sipai ruaitu Fikola neh khan Abrahama ziangah an fe a, a ziangah, “Ni sinthona kipah Pathian ni ziangah a om mai ngai a.#Riph.26:26. 23Khasika khan atûn hi munah hin, keimah neh ki naihei neh ker chihei khom phial no tin iti Pathian riming ichingin ṭongrikhâm roh. Lung nang ki lei înkham angkan keimah neh ni omna ram hih lunginkham rangin ki ziangah inkung roh,” a ti a.
24Abrahama khan, “O, ki înkung a nit,” a ti a.
25Abimeleka somhein tuisunsua an richupuia an ilâk pêk thu khah Abrahaman Abimeleka kha â ril a. 26Abimeleka khan, “Kha thil khah tu itho manih kî riat tlak ino kêng, nangmah lakin ne ril mak che a, vuanah hin kêng ki riat masa tak ai nit,” a ti a. 27Khanungchu, Abrahama khan berahei neh sialhei khah Abimeleka a pêk a; khanchu, an ruaika khan thu an thlung tâk a. 28Abrahama khan a bera lôm lâia mi bera rila sarikah a ranin a sia a. 29Abimeleka khan Abrahama ziangah, “Bera rila sarikah a rana nî sia hih îrang im ai nit?” a ti a.
30Abrahama khan, “Hi tuisunsua hih keima ichoi a nit ngêt iti riatnan hi bera rila sarikah hih ki kut ata ni lâk rang a nit,” a ti a. 31Khasika khan kha mun khah Beerseba#21:31 ‘Vânirisâma ṭonginkung tuikuang’ tina a nit. Tuikuang sarikah tina khom a nit (26:33). iti riming a irput tâk a nit; kha munah khan an ruaikan ṭong an rikhâm seng seng sikin a nit. 32Beersebaah khan thu an thlung zoiin chu Abimeleka neh a sipai ruaitu Fikola kha Filistia ramah an kîr nôk tâk a. 33Abrahama khan Beersebaah khan tamarisk thing#21:33 Hebraiin ‘Esel’ thing. Rithla om nuamna thing inia ringai a nit. a phun a, amakhan Pumapa, Kumtluang Pathian kha chubai a ûn tâk a. 34Abrahama khah Filistiahei ramah khan kum itam takkah a om tâk a.
Tans Gekies:
RIPHUTNA 21: BIATBSI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
The Bible Society of India
© 2014, Used by permission. All rights reserved. More
