Okutandika 27
27
Yakobo okubeiha ishe n'okwiba omugisha gwa mukuru we
1 #
Kut 48:10. Bwanyima Isaaka ku yaakuzire, n'amaisho ge gaagiirweho oruho, atakibaasa kureeba gye, yaayeta omutabani Kakuru, Esau, yaamugira ati: Mwana wangye! Onu ati: Ndi aha, Taata. 2#Yak 4:14. Yaamugira ati: reeba, nkuzire, tindikumanya izooba ri ndifeeraho. 3N'ahabw'ekyo ninkweshengyereza, ihayo ebi ohiigisa, omutana gwawe n'obuta bwawe, oze omu ihamba, onyitireyo enyamaishwa, 4#Kut 49:28; Heb 11:20. onteekyere enyama, ozirungye nk'oku nkunda, ozindeetere, ndye, nkushabire omugisha ntakafiire.
5Isaaka ku yaabaire naagambira omutabani Esau, Rebeka yaashangwa amuhuriire. Atyo Esau yaaza omu ihamba kuhiiga enyamaishwa n'okugireeta. 6Rebeka yaagambira omutabani Yakobo ati: Naahurira sho naagambira mukuru waawe Esau ati: 7Gyenda onyitire enyamaishwa, onteekyere enyama, ozirungye, ndye, nkushabire omugisha omu maisho ga MUKAMA natakafiire. 8Mbwenu nu, mwana wangye, nyorobera okore eki ndikukuragiira. 9Irooko oze omu busyo bw'embuzi, onyihireyo ebyagazi bibiri bito birungi, naanye nteekyere sho enyama, ngirungye nk'oku akunda; 10haza ogimutwarire, arye, akushabire omugisha atakafiire. 11#Kut 25:25. Yakobo yaagambira Rebeka nyina ati: Noomanya Esau mukuru wangye ku ari omushaija w'ebyoya, haza nyowe omubiri gwangye ku gurikuterera. 12Obundi taata akaankoraho, anteekateekaho ku ndi engobya, nyihayo omukyeeno omu mwanya gw'omugisha. 13#Mat 27:25. Nyina yaamugira ati: Omukyeeno gwawe gube niinye gwazaho, mwana wangye; iwe fa okunyorobera, obindeetere. 14Yakobo yaagyenda, yaabireetera nyina; nawe yaateeka enyama, yaagirunga, nk'oku ishe yaabaire naakunda. 15Kandi Rebeka yaihayo ebijwaro birungi by'omutabani Esau kakuru; ebi Rebeka yaabaire aine omu nju, yaabijweka omutabani Yakobo kato; 16kandi yaata empu z'ebyo byana by'embuzi aha mikono ye, n'aha bitsya bye aharikuterera; 17bwanyima yaamuha enyama zirungire n'omugaati ogu yaateekateeka.
18Yakobo yaija ahari ishe, yaagira ati: Taata! Onu ati: Ndi aha; ori oha, mwana wangye? 19#1 Bag 14:2. Yakobo yaagarukamu ishe ati: Niinye Esau kakuru omwana waawe; naakora nk'oku wandagiira; mbwenu imuka oshutame, orye aha nyama ei naakureetera, obone kunshabira omugisha. 20#Kur 20:7. Isaaka yaabuuza omwana we ati: Beitu shi, waagirahutsya ota, mwana wangye? Onu ati: Ahakuba MUKAMA Ruhanga waawe yampiira. 21Isaaka yaagira Yakobo ati: Irira aha, mwana wangye, nkukoreho, ndeebe ku oraabe ori omwana wangye Esau buzimazima, nari shi otari we. 22Yakobo yairira haihi Isaaka ishe; Isaaka yaamukoraho, yaagira ati: Eiraka n'erya Yakobo, kwonka emikono n'eya Esau. 23Tiyaamumanya, ahabw'okuba engaro ze zikaba ziine ebyoya, nk'eza mukuru we Esau; yaiha aho, yaamushabira omugisha. 24#Efe 4:25. Yaagaruka yaamubuuza ati: Beitu kwo buzima, ori omwana wangye Esau? Yaamugarukamu ati: Ndi we. 25Isaaka yaagira ati: Ginyirize haihi, ndyeho, mwana wangye, nkushabire omugisha. Yaagimwiriza haihi, yaarya, yaamureetera na viinyo, yaanywa. 26Isaaka ishe yaamugira ati: Irira haihi, onnywegyere, mwana wangye. 27Yaamwirira haihi, yaamunywegyera. Isaaka yaahurira omugaju gw'ebijwaro bye, yaamushabira omugisha, naagira ati:
Reeba, okutaamirana kw'omugaju gw'omwana wangye
Nikushusha nk'okw'eishwa, eri MUKAMA ahaire omugisha.
28 #
Heb 11:20; Zab 65:9. Kandi Ruhanga akuhe aha rume orurikuruga omu iguru,
N'aha mweru gw'ensi, n'engano nyingi na viinyo nyingi.
29 #
Kub 24:9. Enganda z'abantu zikuheereze, n'amahanga gakwinamire;
Otegyekye beene sho, n'abaana ba nyoko bakwinamire.
Weena orikukyeena, akyeenwe;
Kandi weena orikushabira omugisha, nawe aheebwe omugisha.
Esau okuririra omugisha gwe
30Bwanyima Isaaka ku yaabaire yaaheza kushabira Yakobo omugisha, Yakobo yaiha ati ebigyere omu maisho ga Isaaka ishe, Esau mukuru we yaija naaruga kuhiiga. 31Nawe yaateeka enyama, yaagirunga, yaagitwarira ishe; yaagira ishe ati: Taata, imuka orye aha nyama ei omwana waawe yaakureetera, obone kunshabira omugisha. 32Isaaka ishe yaamubuuza ati: Kandi shi, iwe ori oha? Onu ati: Ndi omwana waawe w'omujigaijo Esau. 33#Kut 28:3, 4. Isaaka yaatetema munonga, yaagira ati: Owaaruga aha, andeeteire enyama, nkarya ahari byona, nkamushabira omugisha otakaizire, n'oha? Kandi n'omugisha ogwo aryaguheebwa. 34#Heb 12:17. Esau ku yaahuriire ebigambo bya ishe, yaarira, yaaborooga munonga n'obusaasi bwingi, yaagira ishe ati: Ai bambe, Taata, naanye nshabira omugisha. 35#1 Tes 4:6. Yaagira ati: Murumuna waawe yaija aha n'obugobya, yaatwara omugisha gwawe. 36Esau yaagira ati: #27:36 Yakobo amakuru ngu, Okutaaha omu by'ondi; nari okugobeza ondi. Yakobo ni Yakobo kwo; eiziina niwe muntu. Eki n'ekya kabiri nangobeza; akanyihaho obukuru bwangye; mbwenu reeba kandi yaanyihaho n'omugisha gwangye. Yaagaruka yaamubuuza ati: Toine kagisha naanye aku wantsigiraho? 37Isaaka yaamugarukamu ati: Reeba, naamuhindura mukama waawe, na beene ishe boona naabamuha kuba abairu be; naamujarika, naamuha engano na viinyo eby'okumutunga; mbwenu shi, ninkikukorera ki, mwana wangye? 38Esau yaabuuza ishe ati: Oine omugisha gumwe gwonka, Taata? Ai bambe Taata, naanye nshabira omugisha. Esau yaaborooga, yaarira. 39#Heb 11:20. Isaaka nikwo kumugira ati:
Oryatuura hare n'omweru gw'ensi,
N'orume orurikuruga omu iguru ahaiguru.
40 #
2 Sam 8:14; 2 Bag 8:20. Rurara yaawe niyo erikubaisaho.
Oryaheereza murumuna waawe;
Kwonka ku orimwehindurira,
Oryaruga omu butegyeki bwe.
41 #
Oba 1:10. Okuruga aho Esau yaayanga Yakobo ahabw'omugisha ogu ishe yaamushabiire; Esau yaagira omu mutima gwe ati: Ebiro by'okucurira taata biri haihi; bwanyima yaabyo ndyaita murumuna wangye Yakobo. 42Baagambira Rebeka ebi Esau omwana we mukuru agambire; yaatuma ow'okweta Yakobo omwana we omuto, yaamugira ati: Omanye mukuru waawe Esau ku amaririire kukwita, kwemara ekiniga. 43Mbwenu nu, mwana wangye, hurira eki ndikukugambira; imuka ohungire Harani owa Labaani munyaanyazi, 44obe oriyo omuri ebi biro, okuhitsya obu ekiniga kya mukuru waawe kiraahwe, 45n'enziika ye ekakurugaho, akeebwa eki omukozire; obwo ndyakutumaho, ogarukye. Ningasirwa ki, ku ndaabafiise mwembi eizooba rimwe? 46#Kut 28:8. Rebeka yaagira Isaaka ati: Amagara gangye garuhire na bahara ba Heesi; Yakobo ku arishwera omwishiki omuri bahara ba Heesi, ori nk'aba ab'omu nsi egi, kiryagasira ki amagara gangye?
Tans Gekies:
Okutandika 27: RR64
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
The Bible in Runyankore-Rukiga © United Bible Societies, 1964
