Legic 4
4
Ʒérabéra naléiguc ewa éréhéc qahac ʒéwelec waŋec.
1(Legic galeŋawac; waŋgoŋ hésiaguc, Dawidiac legic ʒéra.) Anutu, nuac solaŋa miŋina, ni guac qacma guruwa acna meleŋ némbésémaŋ, ni baec wéŋwéŋgiaiguc kecba baec kondoŋa mihicŋi nénnec, imuac ewa hia niŋnémma ʒéwelecna niŋna.
2Baec ic ionac naŋhéra#4:2 Ac haka silicginaiguc ic tosara kuc buŋaginaguc ionac icac naŋhéra ʒéaŋgic. ini nalé dahecac séc gamu qeqe mihicŋi némmu? Nalé dahecac séc edamuna imi meleŋgic gamu qeqeac buŋa waŋu, haka biriawac siŋa nimma baniara méndac énécmima kecmu? (Ohec) 3Yawenéŋ eŋeya niŋac wamma siŋ niŋmianʒac i gésimiyec imi niŋasarimu. Imuac ni ʒéwelec wamba Yawenéŋ nimma kecanʒac. 4Ini bac yandi yandi wamma képésic ménda wammu. Gaugina hewiŋ ʒé emma acgina qaiyu bénʒéŋnec qeriginanéŋ ʒéma nimmu. (Ohec) 5Miŋ Kewuac muru hakagina solaŋa iminéŋ mulu ésécnec haimimu. Yaweac muru héima nammu.
6Ic embac sasalanéŋ Mérénéŋ haka silic hiabia méŋ nénézéyu hémbiŋ? ʒéanʒu. Imuac Yawe gi guac kic tanecga asac mararaŋa gucnéŋ ninicna. 7Miŋ Kewunéŋ nuac ewa qerinaiguc ségiségi kuneŋ yanda tiyu sécgéanʒac. Ségiségi iminéŋ padi me waiŋ ɋelianéŋ sécgéyu ségiségi waŋanʒiŋ imi qeyu maanʒac. 8Ni imuhuc solaŋanec demiŋ menémma néŋgaleŋ waŋnéŋanʒac imi Yawe momacguc sac kecʒac, imuac mia ni ewana déŋ waŋu gauna heanʒua.
Tans Gekies:
Legic 4: KGF
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© 2012, Wycliffe Bible Translators, Inc. All rights reserved.