SAGARIA 3:6-10

Daarna het die engel van die HERE baie plegtig met Jesua gepraat en gesê: “Dit is wat die HERE, die Almagtige, sê: As jy gehoorsaam is aan my wil en my vereistes nakom, sal jy gesag hê oor my tempel en sy binnehowe. Jy sal toegang tot My hê, saam met die ander wat hier staan. Luister na My, Jesua, die hoëpriester, en al jou ander priesters. Julle is die simbole van goeie dinge wat kom. Binnekort gaan Ek my dienaar, die Loot, bring. Kyk na die juweel wat Ek voor Jesua neersit, ’n enkele steen met sewe fasette. Ek sal iets daarin graveer, sê die HERE, die Almagtige, en Ek sal die sonde van hierdie land op een enkele dag wegneem. Op daardie dag, sê die HERE, die Almagtige, sal elkeen van julle julle bure oornooi na julle huise toe om te deel in julle vrede en voorspoed.”

Gratis leesplanne en oordenkings oor SAGARIA 3:6-10