NUMERI 15:32-36

Terwyl hulle in die woestyn was, het hulle op ’n man afgekom wat besig was om op die Sabbat hout op te tel. Die mense wat hom gevang het, het hom toe voor Moses, Aäron en die res van die gemeenskap gebring. Hulle het hom aangehou omdat hulle nie geweet het wat om met hom te maak nie. Die HERE sê toe vir Moses: “Die man moet tereggestel word! Die hele gemeenskap moet hom buite die kamp met klippe doodgooi.” Hulle het hom toe buite die kamp gevat en hom daar met klippe doodgegooi, soos die HERE vir Moses gesê het.