Yun 1
1
Takaŋta Yunusa ta hwayaghuta
1Ma sana fitik, ka gwaɗganatá Yawe ta Yunusa zwaŋa Amitay. Kaʼa mantsa: 2« Sliʼaf sliʼa ka dzaʼa ka da Ninive, luwa dagala ya, ka davanaghata ka ta həŋ, kabga ɓhagaf ɓha ghwaɗaka skwi ta mag həŋ ya da iʼi, » kaʼa. 3Ka sliʼaftá Yunusa ŋa kəɗiki da Tarsis, diʼiŋ nda Yawe. Ka laha tsi da Yafu, ka slaftá tsi ta kwambalu hada ta dzaʼa da Tarsis. Ka platá tsi ta tseda mbaɗa ni, ka lam tsi kawadaga nda gwal mida, ŋa ndru ka dzaʼa da Tarsis, diʼiŋ nda Yawe.
4Ama ka ghunaftá Yawe ta falak nda mbra ta ghəŋa drəf, ka sliʼavaftá tsa falak ya nda mbraku katakata ta ghəŋa drəf, ka kuma hwanzaɓanaptá kwambalu. 5Ka ksaftá zləŋ katakata ta gwal ta maga slna ma kwambalu. Inda taŋ ta wahu da lazglafta taŋ nda lwi dagala dagala. Ka vazə həŋ da drəf ta inda huzla ma tsa kwambalu ya, ŋa htanaghutá ndəgaku. Ma tsaya ná, valagha vala Yunusa da mndəra kwambalu, ka hanata, ka tshutá hana ni. 6Ka lagha mala tsa gwal ta maga slna ya slanaghata, kaʼa nda tsi mantsa: « Nu ta mag ka hadna na? Ta hana gha kagha ɓa? Sliʼaf sliʼa, waha ta wahu da lazglafta gha, kawayaka skwi dzaʼa havap hava ka amu, ŋa kwala mu rwuta, » kaʼa.
7Ka tsa gwal ta maga slna ma kwambalu ya mataba taŋ mantsa: « Sawa ka vzafta mu ta vindima, kada snaŋta mu ta mndu ta klamaktá na zləmnda ta slamaghata na, » ka həŋ. Ka vzaftá həŋ ta vindima tama, ka dɗaftá tsa vindima ya ta Yunusa. 8Ka həŋ nda tsi mantsa: « Mnaŋna mna, kabga kagha ta klaŋnaktá na zləmnda na. Nahgani slna gha? Si ga ka? Sliʼaf ta haɗik ga ka? Mndəra la wa ka? » ka həŋ. 9Kaʼa nda həŋ mantsa: « Mnda la Hebru yu, Yawe, Lazglafta ta luwa ta zləŋ yu. Tsatsi ta magaftá drəf nda haɗik, » kaʼa. 10Ka ksaftá zləŋ katakata ta tsa mnduha ya, ka həŋ nda tsi mantsa: « Nahgani na maga ka? » ka həŋ. Nda sna tsa mnduha ya kazlay hwaya ta hway tsi diʼiŋ nda Yawe kəʼa, kabga rusanaf rusa ta həŋ.
11Ka va sgaku vavalakwa drəf ya nda sga, ka həŋ nda tsi mantsa: « Nahgani dzaʼa ŋni magay nda kagha ndana, kada lɓamata na drəf na? » ka həŋ. 12Kaʼa nda həŋ mantsa: « Klafwa kla ta iʼi ka vzaghata kuni da drəf, dzaʼa lɓa lɓa drəf ta waghunafta, kabga nda sna yu kazlay dabga iʼi kəl na falak nda mbra na ka grughunusta kəʼa, » kaʼa. 13Ka ŋavata tsa mnduha ya ta swa kwambalu, ŋa dzaʼa ksaftá haɗik, ka traptá həŋ, kabga ta sgaku nda sga vavalakwa drəf nda həŋ. 14Ka wahu həŋ ta wahu da Yawe, ka həŋ mantsa: « Ari Yawe! Ma zaɗaŋna ka ta ghəŋa dabga na mndu na, kdəkkdək! Ma masaŋnam ka ma dzvu ta usa mndu kul haɗ dmakwa ni, kabga kagha Yawe ná, maga maga ka ta skwi manda ya ta zɗəgaghata, » ka həŋ. 15Ka tsukwaftá həŋ ta Yunusa ka vzaghata da drəf. Ka lɓatá vavalakwa tsa drəf ya. 16Tahula tsa, ka sgavaghatá zləŋay tsa mnduha ya ta Yawe katakata. Ka vlatá həŋ ta skwi ŋa planatá ghəŋ, ka tanaftá həŋ ta imi ta sləməŋ nda waɗu.
Tans Gekies:
Yun 1: xed
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© Wycliffe Bible Translators, Inc. All rights reserved.