Gewilde Bybelverse vanaf Marcos 6

Deel

Ja cꞌa Jesús arjaꞌ xbij chique: —Joꞌ, kayonaj kiꞌ chipan jun lugar ja bar kas talan wiꞌ chi triꞌ nixexulaꞌn wiꞌ jalal, neꞌ chique. Queriꞌ xbij chique como congana chi winak nquijalalaꞌ quiꞌ cuqꞌuin nixtacꞌa cꞌo ta tiempo chique xquewaꞌ ta cumal.

Ja cꞌa Jesús arjaꞌ xbij chique: —Ni majun profeta xin Dios ja maquita lokꞌ nnaꞌi xarwariꞌ ma lokꞌ ta nnaꞌi cumal ja rach aj tinamit nixtacꞌa cumal ta ja rchꞌalal in nixtacꞌa cumal ta ja recꞌo pa rochoch chakajaꞌ, neꞌ chique.

Ja cꞌa Jesús tok xelto chipan ja lancha xerutzꞌat ja winak chi congana e qꞌuiy. Arjaꞌ xpokonaj quewach como ejeꞌeꞌ e caniꞌ juleꞌ tak carnelo ja mta nyukꞌun quixin. Cꞌacꞌariꞌ xumaj quitijoxic, qꞌuiy rwach ja tijonem xuyaꞌ chique.

In ma xcowin ta xuban ta nimak tak milagro triꞌ xarwariꞌ ecꞌo jujun ja yawaꞌiꞌ xuyaꞌ rukꞌaꞌ pa quewiꞌ in xertzursaj can. Arjaꞌ kas junwiꞌ xunaꞌ rumac ja mta yukulbal quecꞌuꞌx ja winak ruqꞌuin. Cꞌacꞌariꞌ xelel, be pa tak aldea ja cꞌo chinakaj in xumaj quitijoxic ja winak.

Ja cꞌa Jesús xucꞌam ja joꞌoꞌ rkan caxlanway e rachbil ja caꞌiꞌ cakan chꞌuꞌ, caꞌy chicaj in xmaltioxij tre ja Dios. Xuwechꞌ ja caxlanway, xujach chique ja rdiscípulo chi ejeꞌeꞌ nqueyaꞌ chic chique ja winak. In queriꞌ xuban chique ja caꞌiꞌ cakan chꞌuꞌ chakajaꞌ, xerujach chiquewach canojel ja winak. Xewaꞌi pro ni canojelal in xenoji chi utz. Ja cꞌa caxlanway rachbil chꞌuꞌ mol ruchiꞌ ja totaji, cablajuj chacach xuban.