Gewilde Bybelverse vanaf Marcos 5

Deel

Bix tre rmal ja Jesús: —Nmeꞌal, ja yukulbal acꞌuꞌx wqꞌuin jariꞌ xattzursani. Camic utz chic natbe, catquicoti, xattotaji chijutij pa rukꞌaꞌ ja yobil, neꞌxi.

Cꞌo cꞌa jun ixok yawaꞌ ja cꞌo chiquicojol ja winak, tuban cablajuj junaꞌ ni cꞌo wiꞌ jeꞌe quicꞌ nel tre. Ja rixok e qꞌuiy ja doctoriꞌ congana rtijon pokon pa quekꞌaꞌ in nojel ja cꞌo ruqꞌuin xuqꞌuis rmal ja yobil. Pro majun xoc wiꞌ ja xuban como ja yobil xa janiꞌ benak más pa nim.

Chaka maril xuchapoc rtziak ja Jesús ni cajeꞌe ja quicꞌ tre in xunaꞌ chi tzuri, xeli ja yobil tre.

Ja cꞌa Jesús xuchap chi rukꞌaꞌ ja camnak in quewaꞌ xbij tre riꞌ: —Talita, cumi, neꞌ tre. Jawaꞌ tzij xbij tre riꞌ tibij tzij: —Xtan, camic anin nbij chawe catyictaji, neꞌe.

Ja Jesús cꞌa rmajon na tzij ja tok ecꞌo juleꞌ winak xeꞌurkaji, eꞌelnakto pa rochoch ja jefe rxin ja jay xin molbal riꞌil, quewaꞌ quibij tre ja jefe riꞌ: —Jairo, ja rameꞌal cami ¿nak noc wiꞌ ja naban molestar más ja Maestro? xecheꞌ tre. Ja cꞌa Jesús tok chaka maril xcꞌaxaj ja quibij arjaꞌ xbij tre ja jefe rxin ja jay xin molbal riꞌil: —Ma taxbej ta awiꞌ, ja naban, tiyukeꞌ acꞌuꞌx wqꞌuin, neꞌ tre.

Queriꞌ xbij tre como ja Jesús arjaꞌ cꞌa xbij tre ja ritzel espíritu ja rocnak tre ja rachi chi nelel pa ranma. Cꞌacꞌariꞌ ja Jesús xbij tre ja rachi: —¿Nak cꞌa abiꞌ? neꞌ tre. —Anin in Legión. Queriꞌ nubiꞌ como ok qꞌuiy, neꞌxi ja Jesús.