Gewilde Bybelverse vanaf PSALMS 103

Deel

Ek wil die Here loof en nie een van sy weldade vergeet nie.

Dit is Hy wat al my sonde vergewe, wat al my siekte genees, wat my red van die graf en my met liefde en ontferming kroon, wat my die goeie in oorvloed laat geniet, my die jeugdige krag van die arend skenk.

Van Dawid. Ek wil die Here loof, met alles wat in my is, wil ek sy heilige Naam loof.

Soos 'n vader hom ontferm oor sy kinders, so ontferm die Here Hom oor dié wat Hom dien.

So ver as die ooste van die weste af is, so ver verwyder Hy ons oortredinge van ons af.

Barmhartig en genadig is die Here, lankmoedig en vol liefde.

Hy handel met ons nie volgens ons sondes nie, vergeld ons nie vir ons ongeregtighede nie, want so groot as die afstand tussen hemel en aarde is, so groot is sy liefde vir dié wat Hom dien.

Die Here het sy troon in die hemel gevestig, sy heerskappy strek oor alles en almal.