Gewilde Bybelverse vanaf ZLI VIRZI 6

Deel

Bumbulvuŋ a lik haɗa ar naŋ miga mbur na, ɓi naŋ a giraŋ haɗa a mevele.

Bumbulvuŋ a pura na, mizli titrahay ara gam malambaˀ nga mbuŋ nga mbuŋ asi ruwuyo, yo a vam hiipas ti wuluk a mevel taŋ ngi gi malambaˀ tewle

Amma Nowe, Buymisemuŋ a ɗuwulaŋ mi.

Mizli ngi hay Noweheye t'ani: Nowe i mbur mijeŋŋe, a wuzla mizli misi ti di nah na, naŋ kaslsla a mbuŋ Buymisemuŋ. A sipa jiviɗ ngi Buymisemuŋ le kuy kuy.

Dar a ɓi: «Sey i ngizla mizli ya miga taŋ na, leɗeɗ wãˀ asi ruwuyo, waɗ gwat misi titiri mimeɗ meɗ ati madiɗahay, ko ɗiyuwoy. Asi yi ra zil marava vur ya miga taŋ na.»

Akẽh na, mizli a zlaka, ara jam haɗa asi ruwuyo, yo ara yam ziri mongosohoy. Zirii mizile ngi Bumbulvuŋhoy a puraka na, ziri mongoso ngi mizli titrahaya taŋ kuyu gwatta, a hĩyãm a wuzla taŋ, a zuɓaka taŋ ngi ngwasa. Dar Bumbulvuŋ a ɓi: «Musuwun ya muˀufo di da mburo, naŋ anta sa ndir ngi caˀa ta, na zle naŋ ti mungra: i dumvu ngataraŋ. Zle dana, hin ngi siifa taŋ anta sa funa vi skat ti kukur cuwo ta.» Hirak ti nah vuna, i mizli gambara, suburohoy misi asi ruwuyo, yo a dirba ziri mizile ngi Buymisemuŋhoy mujumom ati ziri mongoso ngi mizli titrahay tuwa na, a yam ti taŋ ziri le. Mizli bugawla misi zleˀehey i taŋ vuna, slimiɗ taŋ a zil le.

Gwat Buymisemuŋ miɓa da Nowe ɓa a ga na, a ga le kasl kasl kanah.

Dar Buymisemuŋ a ɓa Nowe na: «Hin ngi kiɗa mi ngi gwat mamusuwunamay gar a ndila le! Asi a nahaka hirwuyo le ti moˀore taŋ na, i wuɗ i ngizla taŋ pay asi ruwuyo.

Ɗiyi palalam madiɗaŋ ti dum ngi widis ma gi mukuturɓuy. Ki sa ɗiyi viŋhey mbeˀmbeˀ a huroˀo. Ki sa sluruɓa huroˀo naŋ ati duba naŋ gar ti tebeɗe.

Buymisemuŋ a pura hirwuyo keɗ keɗ na, a hiryi le, mizli ngi raˀahay gar, gwat ngi gi taŋ i malambaˀ wãˀ.

Sukwi ngi gwat misi titirihey gar, gwat misi dumvu gar, kisa ci taŋ nga hur palalama, mizile zlaɓ ati mongoso, mizile zlaɓ ati mongoso, ɓa a ndiram titiri avu ka.