Gewilde Bybelverse vanaf Psalms 143

Deel

Wees vir my soos ’n onderwyser. Leer my om te doen wat U wil hê, want U is my God. Laat u goeie Gees my lei sodat ek min probleme op my lewenspad het.

Elke dag wil ek hoor hoe U my liefhet, want ek vertrou U. Lei my asseblief op die regte lewenspad. Met my hele lewe is ek van U afhanklik.

Red my van hulle wat my nie liefhet nie, Here. U beskerm my.

Here, gee my krag om reg te lewe sodat U die eer daarvoor kry. Help my asseblief uit my nood uit. U tree mos reg teenoor u kinders op.

Here, help my asseblief as ek bid. Antwoord my tog as ek by U pleit om my te help. Luister asseblief na my gebed. U kan ek vertrou. U is goed vir u kinders.

Help my asseblief tog gou, Here. Ek is besig om dood te gaan. Moet my nie ignoreer nie, anders gaan ek nog gouer dood.

Toe het ek onthou dat U van die begin af gewys het hoe sterk U is. Ek het nagedink oor hoe U die hele wêreld gemaak het.