Gewilde Bybelverse vanaf Jn 14

Deel

A tinani xin, chi wak'can junc'ulal ayex. A caw in junc'ulal chi wak'can ayex. Man axcaok junc'ulal chi yak' eb yet yulyibank'inal ti', man cayoktu' wet chi wak'can ayex. Manchak e yak' somchaj e c'ul, cax c'am chex xiwi.

Max yalon Jesús bay axca ti': —A jun be chi wal ti', ayin toni. Asan in chi je' ex wiontok bay ayic' co Mam Dios. Ayin ton yelc'al tzet chi wala', cax ayin ton aj k'inalej in.

Max yal Jesús bay eb is cuywom axca ti': Manchak somchaj el e c'ul. Aek oc e c'ul yin Dios, cax che yaon c'apax oc e c'ul win.

A co Mam Dios ok chekontek Yespíritu ayex in q'uexelok. A' ok colwaj e yetok, ok ex cuy yin masanil tzet yetal. Ok jek e na jantak tzet albilcan ayex wuj.

A mac chi aben in chekbanil, cax chi yiken paxok, a ton eb tu' chi camil c'ul win. A eb chi camil c'ul win, a ton in Mam ok camc'ulnen eb. Yetok c'apaxok, ok in camc'ulnej eb, cax ok in tx'oxon in ba bay eb, ẍi Jesús bay eb.

Ayin ti' ok in k'an bay co Mam Dios, cax ok chekontek junxa mac ok colwaj e yetok, a ton Yespíritu tol yel chi yala'. A' ok ayjokc'al ec' e yetok yin tojbalk'inal. A eb yet yulyibank'inal ti', maj je' chaon eb jun tu', yujtol c'am chi je' yilon oc eb yin, xan man yojtakok eb. A pax ayex ti xin, e yojtakxa Yespíritu tu', yujtol ayic' e yetok, a' ok ayjok ec' e yin.

Tzanc'al tzet ok e k'an bay Dios yujtol wet ex, ok in watx'nej el ayex. Ok in watx'nej el ayin ti', tol C'ajol in Dios, yet watx' ok in tx'oxk'abnej elok, tol caw wal miman yelapnok co Mam Dios. Tzanc'al tzet ok e k'an ayin yujtol wet ex, ok in watx'nej el ayex.

Ta chi camil e c'ul win, ikejek in chekbanil.

A bay yatut in Mam, xiwil lugar bay watx' chon cajayi. K'inalok ta c'am bay, mayalxam wal ayex. A tinani xin, toj in watx'nej e lugar bay ok ex apnok ocok.

Ok lajwok in watx'nen e lugar tu', cax ok in jay pax junelxa, axa ex ul wiontok wetok tu', yet watx' a bay ayin ec' tu', a tu' ok ex ayjok ec' wetok.

Axa yalon Tomás bay axca ti': —Mamin, man jojtakok bay ok ach tok tu', ¿tzet ok jut jojtaknen el jun be tu'? ẍi.