Gewilde Bybelverse vanaf Gén 9

Deel

Y chuqa' ri Dios xubij k'a: Jare' ri retal ri jikibel-tzij ri ninben iwik'in y kik'in konojel kiwech chikopi' ri ek'o chi'ikojol, y keri' kik'in ri ch'aqa' chik sol winaqi': Ri kotoq'a' ri xinya' pa sutz' jari' ri retal ri jikibel-tzij chiqakojol roj, yin y ri ruwach'ulew.

Xtik'oje' ri kotoq'a' pa sutz', y ri' xtunataj chuwe ri jikibel-tzij richin q'asen ri nubanon yin kik'in konojel winaqi' y ri chikopi' ri ek'o chuwech ri ruwach'ulew, xcha'.

Jun wineq kan achi'el nubanik yin, y wi k'o ta jun xtikamisan jun wineq, ri xtibanon xa kan xtiqaqa chuqa' pa ruq'a' jun chik wineq.

Ri Dios xerurtisaj ri Noé y ri e oxi' ruk'ajol y xubij chike: Kixalk'ualan y kixk'iyer y kan tinojisaj k'a ruwech chijun ruwach'ulew.

Chuqa' utz ye'itej ri kitijul ri chikopi'; chuqa' ninya' q'ij chiwe richin nitej ronojel ruwech ichaj.

Ronojel kiwech chikopi' richin ri ruwach'ulew xkebaybot k'a roma xibinri'il y kan xtik'oje' k'a ikiy chikiwech: Konojel ri aj-xik' taq chikopi', ri chikopi' ri ek'o pa ya' y konojel ri k'o kik'aslen kek'oje' pan iq'a'.

Y rix kan xkek'oje' e k'iy iwijatzul y kan xkixwinaqir y kan xtinojisaj re ruwach'ulew, xcha'.