Gewilde Bybelverse vanaf Lukas 12

Deel

Ai ʼgelaʼge his honogola en e, At ai erlige wema, oluk opogwi erlakma en wongat oruakma, an abat daklau wegi ano re, arat weik ai, henebe degelak welemis o,” oluk moʼgulentesi.

At Allah eragam ʼgoluk wolomul ai aʼge logo pagup holuk e, his di aʼge yu aʼge ai ebam louksogo wokhontouwayat o.”

aphwami aʼbik ebano disogo moʼgulentesi, “Aphwami enaʼge aʼbik welagai ai pam enelaluk welagai erlak o. Di aʼge yu aʼge an naʼge nak wellep, oluk enede opogu lemano oluk henebabut heberlogo wolomup o,” oluk asogo moʼgulentesirik e

Henaʼge henede hwedik aʼge eba odoksogo oruakma, henede ebayat welema o,” oluk moʼgulentesi.

Hat ap mesik en e, An nebe wareik eria hegit e, lebeksogo warom erlakma en, il mesik emin ogo nelaluk welle e, oluk, wenemennei yat horok eberogup ai pam logon emin helaluk wolom no? Mia o.

Asogo moʼgulontoluk, at osi iak wogu legesa aʼge ebano disogo moʼgulentesi, “An en asogo moʼgulhentegis ai re, his honogola en e, Nenelaluk wolomogoluk e, nonsoʼboru ʼge aʼge nul. Nonosum ʼge aʼge ʼbuktul, oluk, henede perik welat wenemennei yat horok eberogu lorogupno oluk moʼgulhentegis o.

Ye, his henasu henaʼgul pam oruak aʼge ʼberlegat, at Allah en eʼgik modok wonogo welago yo. At Allah en e, sue wulue aʼbik ai logo ʼgelaʼge epasu erlak o. Henebeat logo modok epasu o. Ai en e, honogorlok erlaksogo welemis o,” oluk moʼgulentesi.

“Holuk e, his Allah eiyagai egeptik odoktak welegep aʼge henebe wei nak aʼge yu, narilak o! Allah en his at eragam henebaigoluk ede epesirik oruakma re, honogorlok hagup o.

At sue ʼboʼgiet tago aʼge pobi tit o. At en e, di aʼge yu aʼge owi yeriselat, eʼgen ʼbaliselat, tago modok erlak o. Ye, pobuk no aʼge paget eʼgen ʼbalogo o werikmu pagathwerlasumu modok erlak aʼgeat de, at Allah en osoʼboru wogosoat o. Aʼge re, at Allah en sue ai ede ningtak pasu a? Erlak o. We, his henebe aiat modok ede ningtak pasulat honsoʼboru wokhontouwa erlak no? Wokhontouwayat o.

Honogola en e, Nonsoʼboru emin, nenegeik emin, noʼgwe nul, oluk, ai aʼgeat logo poluk henede perik wolorogup o.

Holuk e, eʼgela herleʼgela o lei oʼgwe welago aʼge ai re, yogodak ʼgelaʼge, op wolotluk e, loruk oʼgwe re, odoukmu narlik pogwi aʼgeat de, Allah en onosum ʼbuktak onobo ʼgelaʼge op aʼge heliʼgogo enebasu ai hegitsogo, his henebe henebaget opsogo ʼbuktak honobouwa erlak no? Henede Allah ebam heʼberik po puk yu re!

Aʼge re, di aʼge yu aʼge sebelak aʼge ai ʼbaktagalat, hisogo oruak aʼge ai enalugapsogo selakma pasulat, tua nak o.