Gewilde Bybelverse vanaf Yohanes 1

Deel

Naupawee butu tauna to nantarima-'I pade neparahaya hi Hia, laiwaika-Na baraka bona mawali ana-ana Alatala.

Pamulana ntoto, kapomana dunia laipajadi, naria amimi Hia to laiuli Lolita. Lolita ee mai nodohe hante Alatala pade Lolita ee mai Alatala motomi.

Baa ee mai newanta i kalimauana pade kalimaua moma namala nampadagi'i.

Hia to laiuli Lolita ee mai nawali manuhiami, pade no'oha doheta i rara dunia. Laihilo kamimi kabohe baraka-Na. Alatala Tuama to nampawaika-'I kabohe baraka ee mai, apa Hiami Ana hadudua Tuama, to naponu hante towe pade kakonoa.

Hante Lolita eemi Alatala nopajadi hangu hangaa. Lako humawee to laipajadi Alatala moma naria hangua to laipajadi-Na ane moma hante Lolita ee mai. Lolita eemi to nampawai katuwua. Katuwua ee mai nampakabaa pampekiri manuhia.

Kanailena Yohanes nampahilo Yesus narata hi hia. Iulina Yohanes, “Hilo, Hia etumi Ana Bimba Alatala to mampakaronto doha manuhia.

Lolita ee mai nariami i dunia, pade Hia to nopajadi dunia, naupawee manuhia i dunia ei moma nangincani-'I. Hia narata i ngata-Na moto, naupawee tau-tauna to hangata-Na momara nadota nantarima-'I.

Baa ee mai baa to nakono, to narata i rara dunia nampakabaa humawee manuhia.

Musa nampawaikata patudu Taurat lako Alatala, naupawee Yesus Kristus nampawaikata kabohe towe pade kakonoa lako Alatala.