Gewilde Bybelverse vanaf ÂTHAONA 17

Deel

Abarâ cha kô sychaki nata kô chaki a châ nahta, a hnohta ABEIPA a vaw luah ta. ABEIPA ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

Phopi hluhpi paw ta ei cha tao hapa vâta, na moh chhao Abarâ châ khao leipa aw ta, na moh cha Abarahâ tlao a châ ha aw.

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

“Pachâ teh, he he na hnohta ei biehrai cha a châ. Phopi hluhpi paw na châ aw.

Khazohpa ta, “Châ bao va, na lapinô Sârâ ta sawchapaw cha sapa aw ta, a moh Aisika na bi aw. Ano hnohta ei biehrai pa-i aw na ta, cha cha ano hnôhlâ ta a pathlazy châta chhâzaw biehrai a châ aw.

Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.

Abarahâ cha â khu lâta paopa ta pahneih ta, anosasyh ta, “Kô za khapa chyhsa heta ma saw a hnei aw? Sârâ cha kô sychaki ta ma saw a sa aw?” tah ta.

Khazohpa ta Abarahâ hnohta, “Na lapinô Sârai cha Sârai tah khao leipa aw chi ta, a moh Sârâ a châ ha aw.

Nama chopaw vo tai aw ei chi ta, cha cha kei nata nâmo likah liata biehrai ngiana a châ aw.

Ei biehrai deikua cha, Sârâ ta hâhkô, he daihti liata a cha sapa awpa Aisika hnohta ei pa-i aw,” tah ta.

Chhâ vaw y lymâ awpa zydua liata, nama hry liata chapaw maih, na o liata a pihpa nata na pathla a châ hlei leipa chihropa tawhta sôh ta na chaleipazy chhao, noh charie uhtheipa ama châ nahta chopaw tai khai awpa a châ. Na o liata a pihpa tlyma, na sôh ta na chaleipa tlyma, chopaw tai khai awpa a châ. Chatanachata ei biehrai cha chhâzaw biehrai a châzie nama sapa lia tlai ta ngiapa ta a y aw.