Gewilde Bybelverse vanaf Openbaring Openbaring 11

Deel

En die sewende engel het geblaas; en daar was groot stemme in die hemel wat gesê het: Die koninkryke van hierdie wêreld het die koninkryke van onse Here en van sy Christus geword; en Hy sal as Koning heers tot in alle ewigheid.

En die nasies was toornig, en u toorn het gekom en die tyd van die dode, dat hulle geoordeel sou word, en dat U loon sou gee aan u dienaars, die profete, en aan die heiliges en die wat u Naam vrees, klein en groot; en die wat die aarde verwoes, moet vernietig.

En Ek sal aan my twee getuies mag gee, en hulle sal duisend twee honderd en sestig dae lank profeteer, bekleed met sakke.

En ná drie en 'n half dae het die Gees van die lewe van God in hulle ingegaan, en hulle het op hulle voete gaan staan; en groot vrees het geval op die wat hulle gesien het.

Hulle het mag om die hemel toe te sluit, sodat dit nie reën in die dae van hulle profesie nie; en hulle het mag oor waters om dit in bloed te verander en om die aarde te slaan met al die plae, so dikwels as wat hulle wil.

Dit is die twee olyfbome en die twee kandelaars wat voor die God van die aarde staan. En as iemand hulle wil seermaak, gaan daar vuur uit hulle mond en verteer hulle vyande; en as iemand hulle wil seermaak, moet hy op hierdie manier doodgemaak word.