Gewilde Bybelverse vanaf Génesis 8

Deel

Usokian ꞌaia ka Nukën ꞌIbu aín sanu upíira ꞌikë anu nukutia xëakëxa, xëti ka kiakëxa: Uinsaranbi kana amiribishi menu ꞌikë ñukama unin ꞌucha kupín këñunuxuma ꞌain, unin ka xura ꞌixuinshi ꞌatima ñu ꞌatishi sinania. ꞌImainun kana amiribishi ñuinakama ꞌaisamokin ꞌën bërí ꞌakësokin këñutëkëntima ꞌain. “Ënë nëtë këñutisama pain ꞌain ka unin ñu ꞌapátankëxun biti ꞌikën; ꞌimainun ka ꞌitsís ira ꞌianan matsi ꞌianan, suñu bëkianan mitabutankëx baritia ꞌianan nëtë ꞌimainun imë́ ꞌiti ꞌikë kiax ka Nukën ꞌIbu Dios kiakëxa.”

Usai chikítankëxun ka Noénën anuxun Nukën ꞌIbu, rabikin asábi ka kakin kati maxáx maburukin ꞌatankëxun anuxun ñuina upíbushi ꞌimainun ñuina pëchiñu upíira, akama achúshi achúshi bitankëxun Nukën ꞌIbu asábi ka kakin ꞌaímai këñutanun xaroxuankëxa.

Usa ꞌain ka Nukën ꞌIbu Dios Noemí sinánkëxa sinanan ka kamabi ñuina abëa nunti chaiira anu ꞌikë amiribi sinánkëxa. Sinánkin ka Diosan menu suñu bëkinun ꞌimikëbë ka baka aín ꞌëkë sënëni kuëtsëkëni munu kuabuakëxa

Xukëx kuanpuni ñantabukëbë ukin, ka aín xëtan olivos kakë i pëchi xëñubëtsinkin bëakëxa. Usakin bëia iskin ka Noénën sinánkëxa baka ka ë́skibuti kuabutia kixun.