Gewilde Bybelverse vanaf Dubbii Nagayaa Ka Luqaasii 11

Deel

Eegasuu isin hammeeyyii taatanii ijoollee teessaniif yoo kennaa mishaa kennuu ka beettan ta'e, abbaan keessan ka sami'ii worra Isa kadhataniif attamitti Ayyaana Woyyuu caalchisee isaanii hin kennineef ree?

Anillee akkana isiniin jedha; kadhadhaa'a isinii kennamaa; barbaadaa'a hin argattanii; balbala dhadhayaa'a isin jalaa banamaa.

Namni kadhatu maruu hin argata; Ka barbaadullee hin argata; ka balbala dhadhayuufillee jalaa banama.

Inni, «Hennaa Rabbiin kadhattan akkana jedhaa'a, ‹[Abbaa keenna ka samii jirtu] maqaan kee haa woyyoomu, jeennanni tee haa dhuftu, fedhiin kee akkuma samii irratti ta'e akkasuma lafa irrattillee haa ta'u.

Akkuma nu worra nu yakkaniif dhiifne, yakka keennallee nuu dhiisi. [Hamaa jalaa nu baasi]› ataabe'etti nu hin galchin.»

Nyaata nu barbaachisu guyyama guyya'aan nuu kenni!

Ifti nafa keetii ija; ijji tee yoo fayyaa taate, nafti kee maruu ifaa ta'a; ijji tee yoo dhibamtuu taate ammo nafti kee maruu dukkana ta'a.

Ifaa ibsanii gombisoo jala hin kaayan. Hulee nama mana keessa jiru maraaf ifu baattuu ibsa'aa irra kaayan malee.