Gewilde Bybelverse vanaf Luka 12

Deel

Nyin meyang, ku myim yi swat i cam, rot nzuk Ka̱won A̱neywu n bai ka̱ram ka yi nin cam ni ba.”

Kyang a myim ni yi tyyi ndya nyin na i Dityok Ka̱za ti, kpikpit nkyang a meyang Ka̱za a̱ ni ya ryi.”

A̱ bo hywa da̱ mba, “Kozan ka̱ram yi ta̱rwam bu tyyi ndya nyin i cat zwa, rot ba byyi zwa ba̱gingang nkpa a̱mi yet sucet ka̱ryong a ba.”

Rot ka̱rek ka zwa nyin ji zin shyi ni, ka̱ yemi ndya nyin na nan shyi.”

A̱nyan ka̱yat nyin a̱jinjing a̱huhwa nu na̱ ni tyyi na̱ seyak nom swat ka̱sa nu na?

Yesu a̱ bo hywa di na̱won pfong nu na, “Nkpa n byyi n ni ya tyyei yi ryok tyyi a̱huhwa nyin an kyang a yi ni ya ni ko kyang a yi ni kup i ba.

Ko a̱cat diccu nyin na ma Ka̱za a̱ bvwo ka̱tswa nna. Rot a̱mi, yi ryok hok ka̱wun kyang ba, yi ra̱u ba̱bva ba̱gingang.”

“Nyin ba̱nyet ba a̱ shyi i ka̱srong nzuk ka ni yi ryok hok ka̱wun ba, rot A̱tyyi nyin nu a̱ cat yin byyi i dityok nu ti.

Yi cyang ba̱ngbeyak ba ansham. Ba kap ba, di ba tung yak ba; ba byyi a̱bat saai nkyang ba, di ba byyi ba̱ngban ba. Ma Ka̱za a̱ ba̱ jyet kyang a ba ni ya ni. Yi ran na̱non na ba̱gingang.

“Rot a̱mi, yi ryok ya tyyi a̱huhwa, i dam kyang a yi ni kup ni ko kyang a yi ni ya ni ba.

Ki Ka̱za a̱ ni jyi ba̱pyyi ba a̱ ni truk ka̱pfun ka̱ntson ba ba̱ ta an dong ni, a̱nzan a̱ nin byyi na̱ nin ya kaai a̱ wwon? Ka̱ a̱nzan a̱ ya bvwo ntyyi ndya na?

Sa̱rei nkyang a shyi i nyat ni ba ni na̱ tyyang a̱ wruk i, nkyang a shyi nrang ni ni ba a̱za̱kpai.