Gewilde Bybelverse vanaf Jenesis 6

Deel

Is taigtaig inliinmopoi Ihova mika is ikni atimi an nobohtan aien, is lep ohocred inliinmopon aien.

Is almoi a Atua mika is esjilid nedo has u atimi an nobohtan; is tup has ache naktaktai asega ui liimopora irai iji adiat.

Ja is upene inliinmopoi Ihova vai Noa.

Intas va nopan umoh u Noa nigki: Is atimi upene a Noa, um atoh nedo o un an nuhup u atimi an nopan iyehki, is apol ira Atua a Noa.

Is ika a Ihova, Ekpu lep auahas atimi an nobohtan ainyak kis ago ra ainyak; natimi, im niji itai eklim edo irai pece, im niji itai atahas, im niji man an nauanohatag; et taigtaig inliinmopok ainyak mika kis ago ra ainyak.

ERIS wat ahinag natimi an nobohtan, um apos ilpu halav atahig ura, eris almoi ilpu halav atahig u atimi a ilpu hal u Atua mika eris eklim upene ara; eris lucsei ra sji igki asega ara eris merit vai ra ara, mika eri ehgara. Is ika a Ihova, Inyi eti imiisjis ehele atimi a Nesgak upene irai iji adiat, era tup has ache ara: ja erupu umumoh ara irai mesese inyi wun huntret im twente. An nopan iyehki eris amen an nobohtan a ilpu atimi emda; is wat ti pan itac nadiat iji ehki, eris apan ehele ilpu halav atahig u atimi a ilpu hal u Atua, eris apos ilpu halav ara, eris ilpu eucsupo ara sji ehki itu acen, um atimi imiali ra.

Is ago nedo inigki a Noa; is idim ago nitai iji igki asega aien is asaig ehelen a Atua.

Is ika a Atua ehele Noa, Erupu atiih natimi asega an nobohtan an nuhup unyak; et idim ohua nedo ehcerucai atimi an nobohtan vai ra; ekpu auahas ra ainyak an nobohtan.

Namu ago nelcau imtam aiek an neijiv; um ago niji uari eom anliin nelcau um aspi inliin nelcau im lep itac an hat aplan.

Is almoi nup uran nobohtan a Atua mika eris idim has; eris ago nedo has natimi asega an nobohtan.

Namu imiapan anliin nelcau aiek nahaiji niji obotpot itai umumoh asega, yi aro un aro ehni, natamaig im natahig; vai erupu umumoh ehelum ara.