Gewilde Bybelverse vanaf Lugu 13

Deel

Uwaje rɔ-si kɔgərɔ andəje gə ta ɗəw kəy gə njondəro̰. M-pa m-ar-si, dəwje bula d-a sangə ɗəw mba kandə, ngaa d-a kasə ang.

Ɗaa jene kara gə to njerɔko̰ asə ɓal dɔg gir-e gə ji nay joo isi kəne əng tɔ. Njil gə kṵra̰y uwa-a ɗug-e, ɗaa n-asə nduji rɔ-ɛ rad ang. Logə Jeju a jene le jii ɗaa, ɓar-ɛ ngaɓa pa ar-ɛ na: Jene, rɔko̰ ɔr ji-a rɔ-i gə.

Ɗaa n-ila ji-a dɔ-ɛ gə. Lo-e gə nee ja, jene le nduji rɔ-ɛ ngaɓa ɔsə gaji Luba.

A oje, dəwje gə dɔ gugu le d-a təl to dəwje gə dɔngɔr ngaɓa nje gə dɔngɔr le d-a təl to dəwje gə dɔ gugu.

Logə njekəy ḭ taar udu ta kəy, ɗaa sisəy gə a karje ɗaga, a kundaje ta kəy ngaɓa a Paje na: Mbayɓe! Ɔr ta kəy ar-si, ɗaa n-a kila-si kəne na: Sisəy le, m-gərə-si ang.

Bənəng ang baa, m-pa m-ar-si, ngaa to gə ɓo ꞌturuje kəji lə-si ang nama, a kuyje to gə bənəng ja tɔ.

Cibi, n-a təl kila-je kəne na: M-gərə-si ang, ꞌtoje gə ɗa wa? Ɔdəje ta-m gə gə ɗangə, sisəy tɔ̰y ꞌtoje nje ɗa neje gə dɔ buguru.

Jeju pa ar-je na: Ɓeko̰ lə Luba ta naa gə ɗi wa? Se ɗi ɓa m-a kuwa kɔj-e ne wa? Ɓeko̰ lə Luba ta naa gə kandə kam nay gə ri-a na mutarədə gə dəw un aw dubu mə ndɔ gə lə-a; tɔgə ɗaa təl to kagə kam nay gə bo, ɗaa əlje gə dara ɗa kəy ba̰-ɛ̰je gə.