Gewilde Bybelverse vanaf Johani 14

Deel

Ndikuvalekela ulunotsehetso, ndikuvapa ulunotsehetso lwango. Upwu ndikuvapa pwu nandikuvapela mumwu kipelu ikilunga upwu kipa. Tsilakeńemukaga inumbula tsińo, tsiladwadaga.

Pwu UJesu akambula akata: Nene nzila, nene vwajilweli, nene vwumi. Nakuli ujyunge uviisika kwa dada uvi nigendela mwane.

Ndakeńemukaga inumbula! Mumwidikage Unguluve, nuńe muńidikage.

Lola umwene untangili UMepo Umbalatse, uvi alagendelaga mwitavwa lyango vwu ansuṅile udada, vi alavamańisaga tsoni, vi alavakumbuhitsa tsoni itsu ndivavulile.

Uvi ali nindagilo tsango ikutsivika munumbula jya mwene vi anganile une. Lola uvi anganile une vi alangana nudada, vi nuńe ndilangana, vi ndilivonesa kumwene.

Pwu ndikuvadovelaga kwa dada, pwu umwene alavasuṅilaga Untangili ujyunge, vi alava nuńe sikutsoni. Ndikuntsova UMepo va jilweli, uvi ikilunga nakivumańili ukumwupilila ulwakuva nakikumbona mmiho nukummańa nakimmańili. Lola uńe mummańile, mańa ndi nave ilinda pane, uńe ndava nave mwitumbu mwane.

Syoni isyu mudovela mwitavwa lyane syu ndikuvapetsaga une. Ukuta Udada aginihitsivwagwe mu Mwana, mungave mudova ikivetsaga mwitavwa lyane ndikuvapa.

Ngave munganile jilweli pwu mukongaga namundagilo tsango.

Nńumba jya dada pongosu apakuva, pa ngave pajagile pwu ndili ndivavulile, lino ndibiha nditsikuvagahilaga apakuva uńe.

Lola napene upwu ndibiha upwu nditsikuvagahilaga apakuva, napene ndilitsa ndikuvatola, ndilabiha nuńe kwane, nuńe ukuta muve upwu ndilipwo nune.

Pwu UToma akamwanda akata: Nkuludeva napene upwu vwibiha natupamańili, pwu twali tujimańe ndaku inzila?