Gewilde Bybelverse vanaf Jan 14

Deel

N ŋaa yi po mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi yi yama, yin da jie mani.

Jesu den yedi o: «Mini n tie u sanu, i moamoani leni li miali. Oba kuli kan pundi Baa kani, li yàá tie mini yaa po.

Yin da yagi mani yi yama. Daani mani U Tienu, daani mani mini moko.

O Todika, U Tienu Fuoma Yua, Baa n baa soani yua n yeli nni yeni, wani n baa bangi yi li bonla kuli, ki tiadi yi min waani yi yaala kuli.

Yua n tuo ki gaa n bali maama, ki go kubi ma, wani n tie yua n bua nni moamoani. Yua n bua nni yeni, n Baa baa bua o, nmoko baa bua o, ki doagidi o po min tie yua.»

N baa mia Baa U Tienu, wan pa yi toa, yua n baa yaa tie yi Todika ki yaa ye leni yi hali yaa yogunu kuli. Wani n tie i moamoani Fuoma. Ŋanduna yaaba kan fidi ki gaa o cangu, kelima baa nua o, baa bani o mo. Ama yinba wani, yi bani o kelima o ye leni yi, ki baa ki ye yi niinni.

Yin baa mia yaala kuli n yeli nni, n baa tieni la, ke Baa n baa ti kpiagidi kelima Bijua po. Yi yaa mia bonliba kelima n yeli nni kuli, n baa tieni la.

Yi yaa bua nni moamoani, yi baa kubi n bali maama .

N Baa diegu nni pia i yekaani boncianla. Li yàá bi tie yeni, n bi baa waani yi. N caa ki baa n ŋanbi yi po u kaanu.

N yaa gedi ki ban ŋanbi yi po u kaanu yeni, n baa guani ki cua ki taa yi tin yegi, ke min ye naani, yimoko baa yaa ye lankani.

Toma den yedi o: «N Daano, tii bani ŋan caa naanpo, ti baa gaa lede ki bandi lipo sanu?»