Gewilde Bybelverse vanaf Zã 14

Deel

Ƴã-ɓaarʋ n'a ɩ̃ bɛrɛ kʋ̀rɛ nyɩ, a ɩ̃ ƴã-ɓaarʋ n'a ɩ̃ kʋ̀rɛ nyɩ. Ɩ̃ bɛ kʋ̀rɛ nyɩ mɛ̃ a lɛ a tẽ-daa na mɩ́ tɩr a ƴã-ɓaarʋ a ɩ. Nyɩ ta ɩ pʋl-vʋ̃ɔ nɩ dɛ̃bɩ̃ɛ tɛr nyɩ ɛ.

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

A Yeezu tɩ yel bɛ na: «Nyɩ ta ɩ a nyɩ tɩɛrʋ damnɛ nyɩ ɛ: nyɩ sàw na de a Naaŋmɩn, nyɩ mɩ̀ sàw de m.

Ɛcɛ a Gùre, a Vʋʋrʋ Sõw, a Sãà na na bɛr k'ʋ wa a nyɩ zie, a ɩ̃ yúor ƴãw a, ʋl na wul nyɩ nɩ a za. Ʋ na lɛb'a sɩ̃w a nyɩ tɩɛrʋ a yele al za ɩ̃ na yel kʋ̀ nyɩ a ƴãw.

Ʋlɩ sob na sàwr a ɩ̃ nɛ-ƴãwnɩ ɛ́ tuur a vla a, a sob ŋa n'ʋ nɔnɛ mɛ̃. Ɛ́ ʋlɩ sob na nɔnɛ mɛ̃ a, a ɩ̃ Sãà na nɔnɛ ʋ na, ɩ̃ mɩ̀ na nɔnɛ ʋ na, ɩ̃ɩ na wul'ɩ ɩ̃ tʋɔra a ʋ sob.»

Ɩ̃ɩ na zɛlɩ nɩ a Naaŋmɩn Sãà ʋ kʋ̀ nyɩ Gùre ƴen sob ʋ be a nyɩ zie kʋralɛ. A yel-mɩŋa Vʋʋrʋ n'ʋ, a ʋl a tẽ-daa na kʋ̃ tʋ̃ɔ́ sàw de a, ʋ na bɛ mɩ́ nyɛ̃ ʋ, ɛ́ mɩ̀ bɛ bãw ʋ a ƴãw. Nyɩɩm bãw ʋ na, ʋ na kpɩɛr a nyɩ zie ɛ́ be a nyɩ pʋɔ a.

Bom nɛ za nyɩ na na zɛlɩ a ɩ̃ yúor ƴãw a, ɩ̃ na ɩ na, a ɩ̃ Sãà tʋ̃ɔ́ nyɛ̃ yúor-vɩɛlʋ-danʋ a Bie pʋɔ. Nyɩmɛ wa zɛlɛ bom a ɩ̃ zie a ɩ̃ yúor ƴãw a, ɩ̃ na ɩ na.»

«Nyɩmɛ wa nɔnɛ mɛ̃ a, nyɩ na sàwr'ɩ a ɩ̃ nɛ-ƴãwnɩ vla.

Ziir yaga be n a ɩ̃ sãà yir pʋɔ, alɛ bɛ tɩ ɩ lɛ a, ɩ̃ nãá tʋ̃ɔ́ na yel k'ɩ̃ɩ cere na k'ɩ̃ɩ tɩ cɔbrɩ zie bɛr nyɩ ɩ?

Ɛ́ mãa wa cen tɩ cɔbrɩ a zie bɛr nyɩ baar'a, ɩ̃ na lɛb'a wa wa tɛr nyɩ, ɛ́ a be ɩ̃ na be a, be n'a nyɩ mɩ̀ na be.

Toma tɩ yel ʋ na: «Sore e, tɩ bɛ bãw a be fʋ na cere a ɩ, ɛ́ ŋmɩŋmɩn n'a tɩ na tʋ̃ɔ́ bãw a sɔ́r?»