Gewilde Bybelverse vanaf Itanguriro 17

Deel

Aburamu amaze imyaka mirongwicenda n’icenda, Uhoraho aramubonekera, aramubarira, ati Ni jewe Mana Ishobora vyose; uhore ugendera imbere yanje, kand’ utungane rwose.

Kandi ntucitwa Aburamu ukundi, arik’ uzokwitwa Aburahamu; kuko nkugize sekuruza w’amahanga menshi.

Kandi nshinze isezerano ryanje ngusezeraniye, wewe n’uruvyaro rwawe ruzovuka hanyuma, ukw ibihe vy’urunganwe rwabo bizogenda bikurikirana, ribe isezerano ridashira, kugira ngo nkubere Imana, wewe n’uruvyaro rwawe ruzovuka hanyuma.

iti Rāba jewe ubganje ndagusezeraniye isezerano: uzoba sekuruza w’amahanga menshi.

Imana iramwishura, it’ Oya, ariko kuri Sara umugore wawe ni ho uzovyara umwana. Kand’ uz’ umwite Isaka; nanje nzokomeza isezerano ryanje na we, ngo ribe isezerano ridashira ku ruvyaro rwiwe ruzovuka hanyuma.

Kandi wewe n’uruvyaro rwawe ruzovuka hanyuma, nzobaha iki gihugu wabayemw’ ur’ inyambukīra, ni co gihugu cose c’i Kanani, kuba ishamvu y’ibihe vyose: na bo nzoba Imana yabo.

Maze Aburahamu arapfukama, arūnama aratwenga, yivuganiriza mu mutima, ati Mbeg’ umwana yovyarwa n’ūmaze imyaka ijana? Na Sara amaze imyaka mirongwicenda yoba akivyara?

Imana ibarira Aburahamu, iti Sarayi umugore wawe ntube ukimwita Sarayi ukundi, arik’ uz’ umwite Sara.

Muze mukebge ku munwa w’ico mwambariye; kizoba ikimenyetso c’ isezerano riri hagati yanje namwe.

Ariko, isezerano ryanje nzorikomeza na Isaka, uwo muzovyarana na Sara mu gihe nk’iki c’ umwaka utaha.

Ūmaze imisi munani avutse az’ akebge, izinamuhungu wese, ukw ibihe vy’urunganwe rwanyu bizogenda bikurikirana, ar’ ūvukiye mu rugo rwawe, ar’ uwo waguze n’umunyamahanga amahera, atākomōtse mu ruvyaro rwawe. Ūvukiye mu rugo rwawe n’ uwo waguze amahera, bakwiye gukebga; kand’isezerano ryanje rizoba ku mibiri yanyu, ribe isezerano ridashira.