Gewilde Bybelverse vanaf YAHYA 14

Deel

Salaamati tolaa-U̒ mao̒ olimongoli. Salaamati-U̒ lohihilao uwohi-U̒ mai olemu. Uwohi-U̒ mai boito diila debo odelo uwohi lodunia olemu. Diila mao̒ pobalisa hilaamu, diila mao̒ oohe.

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

“Diila mao̒ pobalisa hilaamu,” tahuda li isa olimongolio. “Pomalacayalo to Allahu Taa̒ala, wau pomalacayalo ola-U̒ olo.

Bo Rohullah, Tamoo-tulungia tamaa laolo mai li Paapa-U̒ to tanggulu-U̒, Tiolo tamaa mongaajali olimongoli totoonulolalo mao̒ wau mamopoe̒ela olimongoli ngoa̒amila umaa piloo̒taa-U̒ olimongoli.

Taa mololimo totoonulalo palentaa-U̒ wau pohutuolio, tio-tiolo tamo tolia̒ngu-U̒. Ti Paapa-U̒ mamomonu mai taa motolia̒ngo ola-U̒. Wau̒ olo mamo tolia̒ngo tau boito wau mopo bilohei batanga-U̒ olio.”

Wau̒ mohile mola li Paapa-U̒, wau Tio mamongohi mai olemu Tamoo-tulungia wewo, tamaa motibiluloa̒ pee̒-pee̒enta woli mongoli u ohiheo-hiheolo mao̒. Tio boito Rohullah tamamo poi̒laalo mai obobanali pasali lo Allahu Taa̒ala. Dunia diila loo̒tolimo o-Lio, sababu diila loo̒onto meaalo loo̒onuhe o-Lio. Bo timongoli moo̒onuhe o-Lio, sababu Tio bilu-biluloa̒ pee̒-pee̒enta woli mongoli wau tuwau woli mongoli.

Wau penu boli wolo upohile limongoli to tanggulu-U̒, uito mapo hutuwo-U̒ mai olimongoli, alihu ti Paapa-U̒ pou̒daa̒alo moli Walao̒. Boli wolo wambai̒o upohile limongoli to tanggulu-U̒, mapo hutuwo-U̒ mai.”

“Wonu timongoli motolia̒ngu-U̒, timongoli mamo dudua̒ totoonulalo palentaa-U̒.

Tobele li Paapa-U̒ otambati dadaata upoti biluloa̒alo. Wau̒ odito mola u mopo dapato tambati olimongoli. Wau̒ diila tamo tahuda mai odito olemu, humayaalio uito diila odito.

Lapatio mao̒ Wau̒ odito mola u mopo dapato tambati olimongoli, Wau̒ muli mohualingai wau mai molutula olimongoli, alihu tou̒toonu Wau̒ woluo, timongoli olo woluo.

Lapatao̒ tei Tomas loloi̒ya mao̒ odeli Isa, “Eeya, diila otaawa lo mongowatotia ode utoonu ponao̒wa lo Eeya, woloolo mola otaawa lo mongowatotia dalalio?”