Gewilde Bybelverse vanaf MATIUS 18

Deel

B̄ara tab̄e warakai d̄ua atao tolu dou makab̄oro weki b̄ara Nahu, Nahu wara d̄i ade woha siad̄oho.”

Ro d̄i b̄ade raumu: Nggara d̄i ade weki nggomid̄oho d̄i ade dunia ake d̄ua dou mafakana mab̄oha au-au ro nado'a weaku, do'a ede natarimaku b̄a Ama-Ku d̄i saroga.

Ou b̄a Ruma Isa sab̄ua ana dou to'i, ro kauna kid̄i d̄i tando siad̄oho. Edempara nggahi Ruma Isa, ”Imbipu! Nggara nggomid̄oho rungkamu rawimu ro ndad̄imu b̄une d̄ambe-d̄ambe to'i nggomid̄oho d̄imandad̄i ela Karaja'an Saroga.

Dou ma ka'awa wekina ro ndad̄ina b̄une ana dou to'i ake, sia edeku mandad̄i na'e d̄i ade weki ela Karaja'an Saroga.

Ro dou ma tarima ana dou to'i b̄une ake, b̄ara Nahu, ede aona natarimaku Nahu.”

”D̄ib̄ademu! Au rakantakai b̄a nggomid̄oho d̄i ade dunia, rakantakai rau aka saroga. Ro au rakancihi b̄a nggomid̄oho d̄i ade dunia ake, d̄ikancihi rau d̄i saroga.

Ruma Isa kanggorina carita-Na kai nggahina ake, ”B̄une ede rauku Ama-Ku d̄i saroga nakalampaku d̄i cua-cua ndai nggomid̄oho, nggara nggomid̄oho wati kangampu weamu cina ra angimu kai nira ade.”

”Cou makamaina da'imbi walina sab̄ua dou d̄i ade weki dou-dou ma to'i ake d̄i Nahu, nancewi tahopu nggara wadu nggiru d̄id̄iki d̄i wo'ona ro sia d̄ilo'o tau d̄i ade moti ma d̄ei.

”B̄uneku kananu b̄a nggomi? Misakai wara dou ma ntau saratu mbua jimba, pala sab̄ua jimba d̄i ade jimba-jimbana ede moda, auku d̄ikarawina b̄a dou ede? Pasti sia natu'u wi'iku jimbana ciwi mpuru ciwi mbua ede ese doro to'i, ro lao ngupana jimba ma moda ede.