Gewilde Bybelverse vanaf LUKAS 11

Deel

Kone madab̄ae nggomid̄oho, nggomid̄oho mab̄ade rauku mbei ma taho d̄i ru'u b̄a anamu. Au walipu Ama d̄i saroga! Sia d̄imambei Roh-Na d̄i ru'u b̄a siad̄oho ma raho d̄i Sia!”

Ndad̄i, Nahu manggahi d̄i nggomi: Rahopu, ndad̄i nggomid̄oho d̄i mbei; ngupapu, ndad̄i nggomid̄oho d̄imaraka; tokepu tad̄a, ndad̄i tad̄a d̄i hengga wea d̄i ru'u b̄a nggomid̄oho.

B̄ara dou ma raho d̄imatarimana; dou ma ngupa d̄imarakana, ro dou ma toke tad̄a, d̄ihengga wea tad̄ana.

Edempara nggahi Ruma Isa d̄i siad̄oho, ”Nggara nggomid̄oho mado'asi, nggahi ndakepu, ’Ama, Itaku Ruma Hatalla ma Kese Weki. Raho-raho to'impa Ita d̄inemba ro d̄ihoroma.

Takangampu wea to'ipu dosa-dosa la madad̄oho, b̄ara la madad̄oho rau makangampu wea sanikina dou ma ncara d̄i la madad̄oho. Ro aina co'o b̄a Ita mbora imbi la madad̄oho wakatu la madad̄oho hina b̄a coba'a.’ ”

Mbeipu d̄i saniki ainaina ngaha ra nono d̄i paralu b̄a la madad̄oho.

Mada eded̄u ilo d̄i ru'u b̄a sarumbu. Nggara taho taroasi madamu, sara'a sarumbumu nataroa poda. Pala nggara gawusi madamu, sara'a sarumbumu nandad̄i rindi ncaki.

”Wati wara dou ma ka'a ilo edempara cilina atao b̄ontokaina roa. Sia nawi'iku ilo ede d̄i ed̄i ilo, loakud̄u dou ma lu'u naloaku eda taroana.