Gewilde Bybelverse vanaf Jɛ́nɛ́sì 45

Deel

Ɓó kàǔn wɛ̃ɛ, ɓě ɓɔ́ hwìɖǐi poɛ̀n, ké ɓě ɓɔ́ ɓě mìɔùn dyoɖoún kpáìn ɓó ḿ peɖe jè. Sepóɛɖé Gèɖèpɔ́ɔ̀ tò nɔ̄ ḿ dyúa, ɓɛ́ fɛ̀ɛ̀ ké pó jè.

Ɔ jèɛɛ, ɓě mɛ dyuòɛ̀ dyí kà ɓě mɔ̀ nyɔ se ma nɔ̄ ḿ tòɛ, kɛɛ Gèɖèpɔ́ɔ̀ mɔ̀ nyɔ nyuɛ ma náa. Ɔ ɖǎ ḿ gɔ̌mànà-nyɔ̀ vɛ̀nɛ̀ mú nyu ɓó Féwòɖò dyúa, ké ḿ mɔ̀ǎ Féwòɖòɛ̀ gbǒ-xwíníín-nyɔ̀ ɓěɔ̀ kè Íjè-ɓòɖò gànáɔ̀ wuɖuí-kɔ̃̀-nyɔ̀.

Ɔ jèɛɛ, Gèɖèpɔ́ɔ̀ tò nɔ̄ ḿ dyúa, ɓɛ́ ɔ kéɛ nyu ɓɛ́ ɓěà fɛ̀ɛ̀ ké pó dyììn ɖé gbǎà-gbǎà vɛ̀nɛ̀ nìà kɛ mú, ɓɛ́ ɓěà xwéɖé ní kɔ̃̀ ɖà níɔ wáɖá.

Ké ɔ cɛ̃ɛ ma ɔ ɖíí-gàà ɓěɔ̀ gbo ɖe, ké ɔ ɖá, “Ní ɓaà ɓě ní, ɓě xwɛ̃́ìn ḿ bũ̌in.” Ké wa xwɛ̃́ìn ma ɔ bũ̌in, ké ɔ ɖá, “Mɔ̄ mɔ̀ ɓě ɖíí-gàà Jòsé! Mɔ̄ mɔ̀ nyɔ ɓě peɖe ma kà, ké wa dyà ma kà ḿ nɔ̄ Íjè-ɓòɖòɛ̀ kɔ̃ɛ̀.

Mɔ́ɔ̀ ɖǎ ɓóɖóɛ̀ kɔ̃ zɔ̃ sɔ̃́ nyu, ké zɔ̃ hm̀m̌ sè ɓó ke. Ɓó tia ɓaɖaa, ɓáá-ɖɛ̀ ɖò se mɛ́ɛ mu, ké ɓáá-ɖɛ̀ ɖò se tòɖòɛ̌ mu.

Hwɛ̀ ké Jòsé cɛ̃ɛ ma ɔ ɖíí-gàà ɓěɔ̀ gbo, ké ɔ ɖá, “Ḿ mɔ̀ Jòsé! Ḿ ɓǎ nì cĩ́ɛń keè?” Kɛɛ ɔ ɖíí-gàà ɓěɔ̀ se ma ɔ gɔ̃̌ jǔɛ ɓɛ́ìn, sepóɛɖé wa giniìn ma dyi, ké díɖí kpɔ̃ ma wa kɔ̃ mìɔ ɓó ɔ dyúa.