Gewilde Bybelverse vanaf Jɛ́nɛ́sì 32

Deel

Hwɛ̀ ké gàaɔ̀ ɖá, “Nì nyɛ́nɛ́ se Jékɔ̀ jǔɛ mu ɖe, kɛɛ ɔ muá Éézùɖùɛ̀ jǔùn, sepóɛɖé m̀ vɔ̃ Gèɖèpɔ́ɔ̀ kè nyɔǔn-dyù gbo, ké nì sɔ̃ ɖǎ ɖé kɔ̃in nì.”

Hwɛ̀ ké gàaɔ̀ ɖá, “Táà ḿ dyi, ɓɛ́ ḿ ké mu, sepóɛɖé zɔ̃ nìǎ zɔ̃uń.” Kɛɛ Jékɔ̀ ɖá, “Ḿ se m̀ dyi táǎ mu ké m̀ po dyɛ ḿ mana kɔ̃ hwɛ̀.”

kɛɛ ɔ ɖòùn sè ma ɖé ɖe. Púɛɛ, ɔ kè gàa ɖò ɖú ma gbàà-pɛ̀ɛ̀ vɔ̃ kpàǐ. Wa gã̀ ma vɔ̃uń dyi tee, ké zɔ̃ nìǎ ma zɔ̃uń.

Ɔ jèɛɛ, Jékɔ̀ jǔìn ma páɔ̀ Pɛ̀níè-nyɛ̀nɛ̀ kɔ̃̀ xwíníín mɔ̀à Gèɖèpɔ́ɔ̀ dyúa kɛ, sepóɛɖé ɔ ɖá, “Ḿ kè Gèɖèpɔ́ɔ̀ ɖǎ dyéɖéín gmɔìn, ké ḿ nì cĩ́ɛń ke.”

Ti gàaɔ̀ dyéɛ kà ɓɛ́ ɔ se ma Jékɔ̀ ɖuɛ ɓɛ́ìn nyɛɛ, púɛɛ, ɔ tĩ́ ma ɔ gbùà-kpàɔ̀, ké Jékɔ̀ɛ̀ gbùàɔ̀ sɔ̀ìn ma kò-naín, ti ɓɛ́ ɔ kè gàaɔ̀ nì ma gbàà-pɛ̀ɛ̀ɔ̀ vɔ̃uń wɛ̃.

Ké gàaɔ̀ ɖá, “Xwɛ̌ nì nyɛ́nɛ́ jǔɛ́?” Ɔ ɖá, “Ní nyɛ́nɛ́ mɔ̀ Jékɔ̀.”

Púɛɛ, Jékɔ̀ diè ma gàaɔ̀ dyi, ké ɔ ɖá, “Xwɛ̌ nììn nyɛ́nɛ́ jǔɛ́?” Kɛɛ gàaɔ̀ ɖá, “M̀ se ɓéɖé m̀ kéɔ́ ní nyɛ́nɛ́ jè dyi diè.” Ké ɔ pòìn ma ɓó Jékɔ̀ mana kɔ̃.

nì kpeɖeɛ̀-dyíin-nɔ̀mɔ̀-nɔ̀mɔ̀ kè nì jǎà séín ɓě ɓɛ́ m̀ ɖǎà mɔ̄ mɔ̀à nì gbo-nì-nyɔ̀ɔ̀ kɛɛ dyí nyuɛɛ ɓúá kpéín mìɔ ɓó ḿ bìì. Ḿ kè ní kùì-kpà nìà kɛ ɖòùn péɖé ma Jɔ́nì-nìɛ̀, kɛɛ ɓó kàǔn wɛ̃ɛ, ḿ ɖǎ nyɔ-dù sɔ̃́ jǔ.

Ɔ jèɛɛ, sɔ̀ìn ɓó tia gboɛɛ, Éézùɖùɛ̀-nyɔ̀ ɓěɔ̀ ní ɖi suaɖɛ̀ɛ̀ tɛ̃̀ìn nìà ɓóɛ gbùà-kpàɔ̀ kɔ̃ɛɛ ɖe fɔɔ cá, sepóɛɖé ɓóɛ̀ gàaɔ̀ tĩ́ìn ma Jékɔ̀ɛ̀ gbùàɔ̀ kò-naínɔ̀.

Hwɛ̀ ké Jékɔ̀ ɓaà ma, ké ɔ ɖá, “Óó, ḿ ɓǎ Ééɓòɖòhɛ̃́ɛ̀ kè Áázèɛ̀ Bounɓo Gèɖèpɔ́ɔ̀, mɔ̀ cɛ̃ɛ ma kà ḿ gbo, ɓɛ́ m̀ dyi níiń, ‘Mu ɖé m̀ ɓíɖí-ɓòɖòɔ̀ kɔ̃, ɖé nì nyɔ ɓěɔ̀ gbo ɖe, ké ní mu m̀ nɔ̀mɔ̀ dyíin dyí nyuùn’ wɛ̃ɛ

Ní ɓaà m̀ ní, póìn ḿ sɔ̀ìn ɖé ḿ ɖíí-gàà Íìsɔ́ɔ̀ xwaún, sepóɛɖé ḿ fɛ̃̀ìn ní ɓó ɔ jè, ɔ ní kɔ̃̀ ɖà dyi, ɔ ní kɔ̃̀ ɖà ḿ kè dyú ɓěɔ̀ ɔ kè wa ɖe ɓěɔ̀ ɖáɓá.