Gewilde Bybelverse vanaf Epeso 4

Deel

Wia rio himia himia niainiai taremahebidioumo, ibiibi giopu ramu. Rio himia himia ubauba kidia iraromodioumo aue naiba Iehovaro Iesu Kerisomu rio ubauba kidia tau ipiiti.

Rio kiparo biahai, rio muni aiboi, wia rio heauwo hagohagoha koitimo moa, rio himia himia taremadohutimo mabu nouri rio himia himia niro taremahebidioumo.

Taaurimo ubauba kiao wade’i rio maataudo ihuodutimo aue na’u nouri kiao wade nou oubi imini mea imowaimoi, wia nouri kiao wadero niainiai kiwabututi naibaha waimaati kirovidio oubido.

Heauwo kimahebidio na’i auwoha wia heauwo na’i wia gunuuni na’i wia kerema’uti wadei wia ori nana’i auwoha nou ramu, rio mabudo taitateaimo.

Ina rio heauwowa, ubauba kidia idodiaimo aue. Taaurimo hiwio nou kahoiia biahai ina rio heauwo emidiowa. Ubauba urio, rioo nouido orovidiomo aue.

Tauo kidia, amake dubu aibo, rioo kitateaiha taitateaimo. Nouri kidia nou rio opuito kiiro nanari wia nouri kiiro na nou aiwapuhei, kiromohuito iwo idomai nana’i nou ramu. Wia rio urio imini, orio aibo, kidodiaiha taidodiaimo. Wia orio kidia, orio dubu aibo tarowamitimo, nouri dubu nou tau idodiai Iehova aibo oiti, auwo mea kidia ramu wia tana kidia ramu, naiheha kidia noudo ko’umori.

Rio tamahibaimo urio na’u aibo oitimoi, amea amea kitohiti na’i nou ramu.

Wia nouro imapoiwa, amida kitiodoi‐oubi wia amida peroveta‐oubi wia amida totomuoubi wia amida hiwaa‐oubi wia amida kiatomuai‐oubi. Nouri nei tana‐oubi pupuo iwaimoi wia hiwaa‐oubi kowaati idodiaiwamoi wia Iesu goho iditimoi. Ta’ui nouowa imo na’u aibo ainaimo‐oiti, na’u kiraromodio na’i nou ramu, wia Iehova Mere imo umo ainaimoiti Keriso nou himia kidia auwoha, nou goho modobori nou aibo.

Ina imo keke mere aibo emidioumo aue. Tiaha kiatomuai wadei godogodo, hurama aibo, wia oubi piroha nana’i, rio imowaiwuti tore wia ihudeoutimo tore, nouri oubi nei piroha remidiodumo oubi ata ematuhutimoi. Naiheha wadei imoo kohidioiha tahidio‐daimo, wia imo nou turiwa noro koitutiha oitutimoi, auwo niro kimahebidio na’i nou ramu, mabu nouri Keriso nou opuri wia goho auwoha goroudori